ഒ​ന്നാം​പ്ര​തി​യു​ടെ ശി​ക്ഷ മ​ര​വി​പ്പി​ച്ച ന​ട​പ​ടി​; മ​ധു​വിന്‍റെ കു​ടും​ബം സു​പ്രീം കോ​ട​തി​യിലേക്ക്

പാ​ല​ക്കാ​ട്: അ​ട്ട​പ്പാ​ടി മ​ധു കൊ​ല​ക്കേ​സി​ലെ ഒ​ന്നാം​പ്ര​തി ഹു​സൈ​ന്‍റെ ശി​ക്ഷ ന​ട​പ്പാ​ക്കു​ന്ന​ത് മ​ര​വി​പ്പി​ച്ച ഹൈ​ക്കോ​ട​തി ന​ട​പ​ടി​ക്കെ​തി​രേ മ​ധു​വി​ന്‍റെ കു​ടും​ബം സു​പ്രീം കോ​ട​തി​യി​ലേ​ക്ക്. ഇ​നി എ​ന്ത് ചെ​യ്യ​ണ​മെ​ന്ന് അ​റി​യി​ല്ലെ​ന്ന് മ​ധു​വിന്‍റെ അ​മ്മ മ​ല്ലി പ​റ​ഞ്ഞു. നീ​തി​കി​ട്ടാ​ന്‍ എ​ത​റ്റംവ​രെ​യും പോ​കും. സു​പ്രീം കോ​ട​തി​യെ സ​മീ​പി​ക്കും മ​ല്ലി കൂ​ട്ടി​ച്ചേ​ര്‍​ത്തു.

കു​റ്റ​കൃ​ത്യ​ത്തിന്‍റെ ആ​ദ്യഘ​ട്ട​ത്തി​ല്‍ ഹു​സൈ​ന്‍ സ്ഥ​ല​ത്ത് ഉ​ണ്ടാ​യി​ല്ലെ​ന്ന് നി​രീ​ക്ഷി​ച്ചാ​ണ് ക​ഴി​ഞ്ഞദി​വ​സം ഇ​യാ​ളു​ടെ ശി​ക്ഷ ന​ട​പ്പാ​ക്കു​ന്ന​ത് ഹൈ​ക്കോ​ട​തി മ​ര​വി​പ്പി​ച്ച​ത്. ശി​ക്ഷ മ​ര​വി​പ്പി​ച്ച​തി​നാ​ല്‍ അ​പ്പീ​ലി​ല്‍ വി​ധി പ​റ​യു​ന്ന​തു​വ​രെ ഹു​സൈ​ന് ജാ​മ്യ​ത്തി​ന് വ​ഴി​യൊ​രു​ങ്ങി.​സൈ​ന്‍റെ ക​ട​യി​ല്‍ നി​ന്ന് സാ​ധ​ന​ങ്ങ​ള്‍ എ​ടു​ത്തു​വെ​ന്ന് ആ​രോ​പി​ച്ചാ​യി​രു​ന്നു പ്രതികൾ മ​ധു​വി​നെ പി​ടി​ച്ചു​കൊ​ണ്ടു​പോ​യ​തും കൊ​ല​പ്പെ​ടു​ത്തി​യ​തും. 2022 ഏ​പ്രി​ല്‍ 28 നാ​ണ് മ​ണ്ണാ​ര്‍​ക്കാ​ട് എ​സ്‌സി – എ​സ്ടി ജി​ല്ലാ പ്ര​ത്യേ​ക കോ​ട​തി​യി​ല്‍ കേ​സിന്‍റെ വി​ചാ​ര​ണ തു​ട​ങ്ങി​യ​ത്.

മ​ധു കൊ​ല​ക്കേ​സി​ല്‍ 13 പ്ര​തി​ക​ള്‍​ക്ക് വിചാരണക്കോട​തി നേ​ര​ത്തെ ശി​ക്ഷ വി​ധി​ച്ചി​രു​ന്നു. ഇ​തി​നെ​തി​രേ കഴിഞ്ഞദിവസം പ്ര​തി​ക​ള്‍ ഹൈ​ക്കോ​ട​തി​യെ സ​മീ​പി​ച്ചു.പ്ര​തി​ക​ള്‍ അ​പ്പീ​ല്‍ ന​ല്‍​കു​ന്ന​തി​നൊ​പ്പം ഇ​ട​ക്കാ​ല ഹ​ര്‍​ജി കൂ​ടി ന​ല്‍​കി​യി​രു​ന്നു. ശി​ക്ഷ ന​ട​പ്പി​ലാ​ക്കു​ന്ന​ത് മ​ര​വി​പ്പി​ക്ക​ണം, ത​ങ്ങ​ള്‍​ക്ക് ജാ​മ്യം ന​ല്‍​ക​ണം എ​ന്ന​താ​യി​രു​ന്നു ഉ​പ ഹ​ര്‍​ജി​യി​ലെ ആ​വ​ശ്യം. എ​ന്നാ​ല്‍ ഹു​സൈ​ന്‍ ഒ​ഴി​കെ 12 പ്ര​തി​ക​ളു​ടെ ഇ​ട​ക്കാ​ല ഹ​ര്‍​ജി കോ​ട​തി ത​ള്ളി. കേ​സി​ന്‍റെ പ്ര​ത്യേ​കസ്വ​ഭാ​വം പ​രി​ഗ​ണി​ച്ച് 2024 ജ​നു​വ​രി​യി​ല്‍ അ​പ്പീ​ലു​ക​ളി​ല്‍ വാ​ദം കേ​ള്‍​ക്കു​മെ​ന്ന് ജ​സ്റ്റീ​സു​മാ​രാ​യ പി.​ബി. സു​രേ​ഷ് കു​മാ​ര്‍, പി.​ജെ. അ​ജി​ത് കു​മാ​ര്‍ എ​ന്നി​വ​രു​ടെ ഡി​വി​ഷ​ന്‍ ബെ​ഞ്ച് വ്യ​ക്ത​മാ​ക്കി​യിട്ടുണ്ട്.