എം രാജഗോപാലൻ നായർ മുന്നാക്ക സമുദായ വികസന കോർപ്പറേഷന്റെ പുതിയ ചെയർമാൻ

തിരുവനന്തപുരം : മുന്നാക്ക സമുദായ വികസന കോര്‍പ്പറേഷന്‍ ചെയര്‍മാന്‍ സ്ഥാനത്ത് നിന്ന് കേരള കോണ്‍ഗ്രസ് ബി സംസ്ഥാന ട്രഷറര്‍ കെ ജി പ്രേംജിത്തിനെ മാറ്റി. സ്ഥാനം സിപിഎം ഏറ്റെടുത്തു. തിരുവിതാംകൂര്‍ ദേവസ്വം ബോര്‍ഡ് മുന്‍ പ്രസിഡന്റ് എം രാജഗോപാലന്‍ നായരെ ചെയര്‍മാനായി നിയമിച്ചു. മുന്നണിയില്‍ ചര്‍ച്ചയില്ലാതെ സ്ഥാനം മാറ്റിയതിന് എതിരെ കേരള കോണ്‍ഗ്രസ് ബിക്ക് അതൃപ്തിയുണ്ടെന്നാണ് സൂചന. 

ആര്‍ ബാലകൃഷ്ണപിള്ള അന്തരിച്ചതിനെ തുടര്‍ന്ന് 2021 ഡിസംബറിലാണ് പ്രേംജിത്തിനെ ചെയര്‍മാനായി നിയമിച്ചത്.