പെരുമ്പളം ദ്വീപ് നിവാസികളുടെ ചിരകാല സ്വപ്നം ഇന്ന് യാഥാര്ഥ്യമാകും
അഞ്ചുവര്ഷത്തിനിടെ ഏഴു ലക്ഷം കുടുംബങ്ങള്ക്ക് കാര്ഡ്; 65,000 മുന്ഗണനാ റേഷന് കാര്ഡുകളുടെ വിതരണം ഉടന്
March 7, 2026
അതിജീവനത്തിൻ്റെ കരുത്തുമായി കിഷോർ മടങ്ങി
March 7, 2026
ആലപ്പുഴ : വേമ്പനാട്ടുകായലിലെ ഏറ്റവും വലിയ ദ്വീപിലെ നിവാസികളുടെ ചിരകാല സ്വപ്നമായ പെരുമ്പളം പാലം യാഥാര്ഥ്യത്തില്. വേമ്പനാട് കായലിന് കുറുകെ ഒരുകിലോമീറ്ററിലേറെ നീളത്തില് നിര്മിച്ച പാലം ഇന്ന് (ശനിയാഴ്ച) മുഖ്യമന്ത്രി പിണറായി വിജയന് നാടിന് സമര്പ്പിക്കും.
പകല് 11ന് ആണ് പെരുമ്പളം പാലത്തിന്റെ ഉദ്ഘാടനം. കായലിന് കുറുകെ നിര്മിച്ച സംസ്ഥാനത്തെ ഏറ്റവും നീളമേറിയ പാലമായ പെരുമ്പളം പാലം കിഫ്ബി മുഖേന 100 കോടി രൂപ ചെലവഴിച്ചാണ് നിര്മിച്ചത്. വേമ്പനാട്ടുകായലില് ആറര കിലോമീറ്റര് നീളവും രണ്ടുകിലോമീറ്റര് വീതിയുമുള്ളൊരു തുരുത്താണ് പെരുമ്പളം ദ്വീപ്. 14 വാര്ഡിലായി 12,000ത്തിലധികമാണ് ഇവിടത്തെ ജനസംഖ്യ. ആലപ്പുഴ ജില്ലയിലാണ് ഉള്പ്പെടുന്നതെങ്കിലും എറണാകുളം, കോട്ടയം ജില്ലകളോടും ബന്ധമുള്ള ഭൂമിശാസ്ത്ര പ്രത്യേകതയുള്ള ഒരു പ്രദേശമാണ് പെരുമ്പളം ദ്വീപ്.
തീര്ത്തും സാധാരണ മത്സ്യത്തൊഴിലാളികളും കയര് തൊഴിലാളികളും കര്ഷകരുമൊക്കെയായിരുന്നു ഇവിടത്തെ താമസക്കാര്. പുറംലോകവുമായി ബന്ധപ്പെടാന് വള്ളവും ബോട്ടുമല്ലാതെ മറ്റ് ഗതാഗതമാര്ഗങ്ങള് അന്യമായ ഇവിടത്തുകാര് തലമുറകളായി താലോലിച്ചിരുന്ന സ്വപ്നമായിരുന്നു ദ്വീപിന് ഒരു പാലം. അതാണ് യാഥാര്ഥ്യമായത്. ജില്ലയുടെ മറ്റൊരു സ്വപ്ന പദ്ധതിയായ ആലപ്പുഴ- ചങ്ങനാശേരി റോഡും (എസി റോഡ്) നാടിന് സമര്പ്പിക്കും.
