ചീഫ് ജസ്റ്റിസായിരിക്കെ ബി ആര് ഗവായിക്ക് നേരെ ഷൂ എറിഞ്ഞ അഭിഭാഷകന് ചെരുപ്പുകൊണ്ട് അടി
വോട്ടിങ് മെഷീനില് നോട്ടയില്ല; തെരഞ്ഞെടുപ്പ് കമ്മീഷനെ വിമര്ശിച്ച് പിസി ജോര്ജ്
December 9, 2025
ആദ്യഘട്ടത്തില് കനത്തപോളിങ്, 70 ശതമാനം കടന്നു; എറണാകുളം മുന്പന്തിയില്, പിന്നില് തിരുവനന്തപുരം
December 9, 2025
ന്യൂഡല്ഹി : സുപ്രീം കോടതി ചീഫ് ജസ്റ്റിസായിരിക്കെ ബി ആര് ഗവായിക്ക് നേരെ ഷൂ എറിഞ്ഞ അഭിഭാഷകന് രാകേഷ് കിഷോറിന് നേരെ ആക്രമണം. ഡല്ഹിയിലെ കര്കര്ഡൂമ കോടതിയില് വച്ചാണ് മറ്റൊരു അഭിഭാഷകന് രാകേഷ് കിഷോറിനെ ചെരിപ്പ് കൊണ്ട് അടിച്ചത്. ഇതിന്റെ വീഡിയോ ദൃശ്യങ്ങള് പുറത്തുവന്നു.
രാകേഷ് കിഷോറിനെ ചെരിപ്പുകൊണ്ട് അടിക്കുന്നതും, കിഷോറിനൊപ്പമുള്ള വ്യക്തി മര്ദനം തടയാന് ശ്രമിക്കുന്നതുമായ വിഡിയോ ആണ് സോഷ്യല് മീഡിയയില് പ്രചരിക്കുന്നത്. സനാതന ധര്മ്മത്തിന് ജയ് വിളിച്ച് കൊണ്ടാണ് രാകേഷ് കിഷോർ മർദനം തടയാൻ ശ്രമിക്കുന്നതും വിഡിയോയില് കേള്ക്കാം.
ഇക്കഴിഞ്ഞ ഒക്ടോബര് ആറിനായിരുന്നു സുപ്രീം കോടതിയില് ചീഫ് ജസ്റ്റിസ് ബിആര് ഗവായിക്ക് നേരെ അതിക്രമ ശ്രമം ഉണ്ടായത്. കേസുകള് മെന്ഷന് ചെയ്യുന്ന സമയത്താണ് ചീഫ് ജസ്റ്റിസിന് നേരെ അഭിഭാഷകന് ഷൂ എറിയാന് ശ്രമിച്ചത്, അപ്പോഴെക്കും സുരക്ഷാ ജീവനക്കാരന് തടയുകയായിരുന്നു. സനാതന ധര്മത്തെ അപമാനിക്കുന്നത് ഇന്ത്യ സഹിക്കില്ലെന്ന മുദ്രാവാക്യം ഉയര്ത്തിക്കൊണ്ടാണ് ഈ അഭിഭാഷകന് ചീഫ് ജസ്റ്റിസിന് നേരെ ഷൂ ഏറിയാന് ശ്രമിച്ചത്.
സുപ്രീം കോടതിയിലെ ഒന്നാം നമ്പര് മുറിയില് കേസ് മെന്ഷന് ചെയ്യുന്നതിനിടെയാണ് ഷൂ എറിയാന് ശ്രമിച്ചത്. എന്നാല് ഇതൊന്നും തന്നെ ബാധിക്കില്ലെന്നായിരുന്നു ബിആര് ഗവായിയുടെ പ്രതികരണം. സംഭവത്തില് 71 വയസ്സുള്ള അഭിഭാഷകനെ മൂന്ന് മണിക്കൂര് ചോദ്യം ചെയ്ത ശേഷം വിട്ടയക്കുകയും ചെയ്തിരുന്നു. അദ്ദേഹത്തിനെതിരെ കുറ്റം ചുമത്താന് സുപ്രീം കോടതി രജിസ്ട്രാര് ജനറല് വിസമ്മതിച്ചതിനെ തുടര്ന്ന് ഡല്ഹി പൊലീസ് പോകാന് അനുവദിക്കുകയായിരുന്നു. ചീഫ് ജസ്റ്റിസിന്റെ നിര്ദേശപ്രകാരമാണ് നടപടി.
