കു​തി​രാനി​ല്‍ ദേ​ശീ​യ​പാ​ത​യി​ല്‍ വി​ള്ള​ലു​ണ്ടാ​യ ഭാ​ഗം പൊ​ളി​ക്കു​ന്നു, പണിപൂർത്തിയാക്കാൻ 60 ദിവസം

തൃ​ശൂ​ര്‍: കു​തി​രാ​ന്‍ വ​ഴു​ക്കും​പാ​റ​യി​ല്‍ ദേ​ശീ​യ​പാ​ത​യി​ല്‍ വി​ള്ള​ലു​ണ്ടാ​യ ഭാ​ഗം പൊ​ളി​ക്കു​ന്നു. റോ​ഡ് ത​ക​ര്‍​ന്ന 50 മീ​റ്റ​ര്‍ ആ​ണ് ജെ​സി​ബി ഉ​പ​യോ​ഗി​ച്ച് പൊ​ളി​ക്കു​ന്ന​ത്. ക​ന​ത്ത​മ​ഴ​യെ​ത്തു​ട​ര്‍​ന്ന് ഈ ​ഭാ​ഗ​ത്ത് റോ​ഡ് ത​ക​ര്‍​ന്നി​രു​ന്നു. ഏ​ക​ദേ​ശം ഒ​ന്ന​ര​യ​ടി താ​ഴ്ച​യി​ലും 10 മീ​റ്റ​ര്‍ നീ​ള​ത്തി​ലു​മാ​ണ് റോ​ഡ് ഇ​ടി​ഞ്ഞ് താ​ഴ്ന്ന​ത്.

മ​ണ്ണു​ത്തി – വ​ട​ക്ക​ഞ്ചേ​രി ദേ​ശീ​യ​പാ​ത​യി​ലെ വ​ഴു​ക്കും​പാ​റ​യി​ല്‍ വി​ള്ള​ലു​ണ്ടാ​യ പ്ര​ദേ​ശ​ത്തെ റോ​ഡ് പൂ​ര്‍​ണ​മാ​യി പൊ​ളി​ച്ചു​മാ​റ്റി പു​ന​ര്‍​നി​ര്‍​മി​ക്കാ​നാ​ണ് അ​ധി​കൃ​ത​ര്‍ ല​ക്ഷ്യ​മി​ടു​ന്ന​ത്. 60 ദി​വ​സ​ത്തി​നു​ള്ളി​ല്‍ റോ​ഡ് പ​ഴ​യ​പ​ടി ആ​ക്കാ​നാ​ണ് ഉ​ദ്ദേ​ശി​ക്കു​ന്ന​ത്. റോ​ഡി​ന്‍റെ അ​റ്റ​കു​റ്റപ​ണി​യു​ടെ ഭാ​ഗ​മാ​യി ദേ​ശീ​യ പാ​ത​യി​ല്‍ ഈ ​ഭാ​ഗ​ത്ത് വാ​ഹ​ന​ങ്ങ​ളെ ഒ​റ്റ​വ​രി​യാ​യാ​ണ് ക​ട​ത്തി​വി​ടു​ന്ന​ത്. പൊ​ളി​ച്ചു മാ​റ്റു​മ്പോ​ള്‍ റോ​ഡ് ഇ​ടി​ഞ്ഞുവീ​ഴാ​നു​ള്ള സാ​ഹ​ച​ര്യം ക​ണ​ക്കി​ലെ​ടു​ത്ത് സ​മീ​പ​ത്തെ വ​ര്‍​ക്ക്‌​ഷോ​പ്പ്, പ്രാ​ഥ​മി​കാ​രോ​ഗ്യ കേ​ന്ദ്രം, വാ​യ​ന​ശാ​ല എ​ന്നി​വ അ​ട​ച്ചി​ടാ​നു​ള്ള നോ​ട്ടീ​സ് പൊലീ​സും ദേ​ശീ​യ​പാ​ത അ​ധി​കൃ​ത​രും വ്യാ​ഴാ​ഴ്ച ന​ല്‍​കി​യി​രു​ന്നു. പു​ന​ര്‍​നി​ര്‍​മാ​ണം ന​ട​ത്തു​മ്പോ​ഴും സ​ര്‍​വീ​സ് റോ​ഡ് നി​ല​നി​ര്‍​ത്ത​ണ​മെ​ന്ന് നാ​ട്ടു​കാ​ര്‍ ആ​വ​ശ്യ​പ്പെ​ടു​ന്നു​.