പൊലീസ് ഉദ്യോഗസ്ഥര്ക്കെതിരെ ഭീഷണിയുമായി കെഎസ്യു കോഴിക്കോട് ജില്ലാ പ്രസിഡന്റ്
ഓസ്കാർ ജേതാവും നടനും സംവിധായകനുമായ റോബർട്ട് റെഡ്ഫോർഡ് അന്തരിച്ചു
September 16, 2025
സംസ്ഥാനത്ത് ഒറ്റപ്പെട്ട ശക്തമായ മഴയ്ക്കും ഇടിമിന്നലിനും സാധ്യത; അഞ്ച് ജില്ലകളില് യെല്ലോ അലര്ട്ട്
September 17, 2025
കോഴിക്കോട് : പൊലീസ് ഉദ്യോഗസ്ഥര്ക്കെതിരെ ഭീഷണിയുമായി കെഎസ്യു നേതാവ്. കെഎസ്യു കോഴിക്കോട് ജില്ലാ പ്രസിഡന്റ് വി ടി സൂരജിന്റേതാണ് ഭീഷണി. സമരങ്ങള് തടയാന് വന്നാല് തലയടിച്ച് പൊട്ടിക്കുമെന്നാണ് പ്രകോപന പ്രസംഗം. കോഴിക്കോട് ഡിസിസി പ്രസിഡന്റ് പ്രവീണ് കുമാറിന്റെ നേതൃത്വത്തില് പൊലീസ് അതിക്രമങ്ങള്ക്ക് എതിരെ കോഴിക്കോട് സംഘടിപ്പിച്ച സമരത്തിലാണ് പ്രസംഗം. സമരത്തെ അഭിവാദ്യം ചെയ്ത് പ്രസംഗിക്കുകയായിരുന്നു വിദ്യാര്ത്ഥി സംഘടനാ നേതാവ്.
കുറ്റ്യാടി സിഐയായ കൈലാസനാഥന്, എസിപിയായിരുന്ന ബിജുരാജ് ഉള്പ്പെടെയുള്ള ഉദ്യോഗസ്ഥര് മോശമായി പെരുമാറിയെന്നാണ് ആരോപണം. ഇരുവരും ഇനി ഏതെങ്കിലും സമരമുഖത്തേക്ക് കടന്നുവന്നാല് തലയടിച്ച് പൊട്ടിക്കാന് ജില്ലയിലെ യൂത്ത് കോണ്ഗ്രസ്, കെഎസ്യു നേതാക്കള് തയ്യാറാകുമെന്നതില് സംശയം വേണ്ടെന്നാണ് കെഎസ് യു നേതാവിന്റെ ഭീഷണി.
തൃശ്ശൂരിലെ മുള്ളൂര്ക്കരയില് കെഎസ്യു പ്രവര്ത്തകരുടെ മുഖത്ത് കറുത്ത തുണിയിട്ട് കോടതിയില് ഹാജരാക്കിയ സംഭവത്തിലും വി ടി സൂരജ് പൊലീസിനെ രൂക്ഷമായി വിമര്ശിച്ച് രംഗത്തെത്തിയിരുന്നു. രാജാവിനേക്കാള് വലിയ രാജഭക്തി കാണിക്കുന്നവരാണ് പൊലീസ്. അധികാരത്തിന്റെ സംരക്ഷണം ഉണ്ടായാലും ഇല്ലെങ്കിലും ഈ മാനസിക വിഭ്രാന്തി പിടിച്ച പൊലീസ് ഉദ്യോഗസ്ഥരെ മനസമാധാനത്തോടെ വീട്ടില് കിടന്നുറങ്ങാന് അനുവദിക്കാനാവില്ലെന്നും വി ടി സൂരജ് ഫേസ്ബുക്കില് കുറിച്ചിരുന്നു.
