ഏപ്രില്‍ 10 മുതല്‍ 18 വരെ ശബരിമലയിലേക്ക് പ്രത്യേക സര്‍വീസുമായി കെഎസ്ആര്‍ടിസി

പത്തനംതിട്ട: മേടമാസ പൂജയ്ക്കും വിഷുദര്‍ശനത്തിനോടും അനുബന്ധിച്ച് ശബരിമലയിലേക്ക് പ്രത്യേക സര്‍വീസുകളുമായി കെ എസ് ആര്‍ ടി സി. പ്രത്യേക സര്‍വീസുകള്‍ ക്രമീകരിച്ചിരിക്കുന്നത് ഏപ്രില്‍ 10 മുതല്‍ 18 വരെയാണ്. തിരുവനന്തപുരം, ചെങ്ങന്നൂര്‍, പത്തനംതിട്ട, കൊട്ടാരക്കര, എരുമേലി, പുനലൂര്‍ എന്നിവിടങ്ങളില്‍ നിന്നും പമ്പയിലേയ്ക്ക് സര്‍വീസുകള്‍ ഉണ്ടായിരിക്കുമെന്നാണ് കെ എസ് ആര്‍ടിസി അറിയിച്ചിരിക്കുന്നത് . ഏപ്രില്‍ 10ന് പുലര്‍ച്ചെ നടതുറന്ന് 18ന് ദീപാരാധനയോടെയാണ് ശബരിമല നട അടയ്ക്കുക. ട്രെയിനില്‍ ചെങ്ങന്നൂരില്‍ എത്തുന്ന ഭക്തര്‍ക്ക് ഏത് സമയത്തും ചെങ്ങന്നൂര്‍ റെയില്‍വേ സ്റ്റേഷനില്‍ നിന്നും തിരക്കനുസരിച്ച് പമ്പയിലേയ്ക്കും തിരിച്ചും സര്‍വ്വീസുകള്‍ ലഭ്യമാകും.

കെഎസ്ആര്‍ടിസിയുടെ ഫേസ്ബുക്ക് പോസറ്റ്

‘സ്വാമിശരണം”
ശബരിമല മേടമാസ പൂജയും, വിഷുദര്‍ശനവും പ്രമാണിച്ച് കലിയുഗവരദനായ അയ്യപ്പസ്വാമിയുടെ തിരുസന്നിധിയിലെത്തുന്ന അയ്യപ്പ ഭക്തര്‍ക്ക് കെ എസ് ആര്‍ ടി സി വിപുലമായ യാത്രാ സൗകര്യമാണ് ഒരുക്കിയിട്ടുള്ളത്. 10/04/2024 പുലര്‍ച്ചെ നടതുറക്കുന്നതും 18/04/2024 ദീപാരാധനയോടെ നട
അടക്കുന്നതുമാണ്.

10/04/2024 മുതല്‍ കെ എസ് ആര്‍ ടി സി യുടെ വിവിധ യൂണിറ്റുകളില്‍ നിന്നും
സര്‍വീസുകള്‍ ക്രമീകരിച്ചിട്ടുണ്ട്.തിരുവനന്തപുരം,ചെങ്ങന്നൂര്‍, പത്തനംത്തിട്ട, കൊട്ടാരക്കര, എരുമേലി, പുനലൂര്‍ എന്നിവിടങ്ങളില്‍ നിന്നും പമ്പയിലേയ്ക്ക് സര്‍വീസുകള്‍ ഉണ്ടായിരിക്കുന്നതാണ്.

ട്രയിന്‍ മാര്‍ഗ്ഗം ചെങ്ങന്നൂരില്‍ എത്തുന്ന ഭക്തര്‍ക്ക് ഏത് സമയവും ചെങ്ങന്നൂര്‍ റെയില്‍വേ സ്റ്റേഷനില്‍ നിന്നും തിരക്കനുസ്സരിച്ച് പമ്പയിലേയ്ക്കും തിരിച്ചും സര്‍വ്വീസുകള്‍ ലഭ്യമാക്കിയിട്ടുണ്ട്.നിലയ്ക്കല്‍-പമ്പ ചെയിന്‍ സര്‍വ്വീസുകള്‍ ഇടതടവില്ലാതെക്രമീകരിച്ചിട്ടുണ്ട്.

തിരുവനന്തപുരം സെന്‍ട്രല്‍ ഡിപ്പോയില്‍ നിന്ന് യാത്രക്കാരുടെ തിരക്കനുസരിച്ച് ബസുകളുടെ മുന്‍കൂട്ടി ബുക്കിങ്ങ് സൗകര്യവും ഇതിനോടകം ഏര്‍പ്പെടുത്തിയിട്ടുണ്ട്.അഭൂതപൂര്‍വ്വമായ തിരക്കനുഭവപെടുന്ന ദിവസങ്ങളില്‍ അടുത്ത യൂണിറ്റുകളില്‍ സര്‍വ്വീസുകള്‍ ക്രമീകരിക്കുവാനുമുള്ള സംവിധാനവും ഒരുക്കിയിട്ടുണ്ട്.

കൂടുതല്‍ വിവരങ്ങള്‍ക്ക്
കെ എസ് ആര്‍ടി സി പമ്പ Phone:0473-5203445
ചെങ്ങന്നൂര്‍ Phone:0479-2452352
പത്തനംത്തിട്ട Phone:0468-2222366

കെ.എസ്.ആര്‍.ടി.സി യുമായി ബന്ധപ്പെട്ട കൂടുതല്‍ വിവരങ്ങള്‍ക്ക്

കെഎസ്ആര്‍ടിസി, കണ്‍ട്രോള്‍റൂം (24×7)മൊബൈല്‍ – 9447071021 ലാന്‍ഡ്ലൈന്‍ – 0471-2463799
സോഷ്യല്‍ മീഡിയ സെല്‍, കെഎസ്ആര്‍ടിസി – (24×7)വാട്‌സാപ്പ് – 9497705222 ബന്ധപ്പെടാവുന്നതാണ്.