ദേശീയ പണിമുടക്ക് : ഡയസ്നോണ് പ്രഖ്യാപിച്ച് കെഎസ്ആര്ടിസി
സര്ക്കാര് ജോലികളില് സ്ത്രീകള്ക്ക് സംവരണം; ബിഹാര് തെരഞ്ഞെടുപ്പിന് മുന്പ് വന് പ്രഖ്യാപനവുമായി നീതീഷ് കുമാര്
July 8, 2025
ചാരവനിത ജ്യോതി മല്ഹോത്രയ്ക്കൊപ്പം വന്ദേഭാരത് ഉദ്ഘാടന യാത്രയിൽ വി മുരളീധരനും
July 8, 2025
തിരുവനന്തപുരം : നാളെ നടക്കാനിരിക്കുന്ന ദേശീയ പണിമുടക്കിനെ നേരിടാന് ഡയസ്നോണ് പ്രഖ്യാപിച്ച് കെഎസ്ആര്ടിസി. ഡ്യൂട്ടിയ്ക്ക് എത്താത്തവരുടെ ശമ്പളം റദ്ദാക്കും. ക്രമസമാധാന പ്രശ്നം ഉണ്ടായാല് പൊലീസിനെ അറിയിക്കാനും കെഎസ്ആര്ടിസിയുടെ ഉത്തരവില് പറയുന്നു.
നാളെ നടക്കുന്ന പണിമുടക്ക് കെഎസ്ആര്ടിസിയെ ബാധിക്കില്ലെന്നും ഇതുമായി ബന്ധപ്പെട്ട് ഒരു ട്രേഡ് യൂണിയനും നോട്ടീസ് നല്കിയിട്ടില്ലെന്നും നേരത്തെ ഗതാഗത മന്ത്രി കെ ബി ഗണേഷ് കുമാര് പറഞ്ഞിരുന്നു. പത്ത് ട്രേഡ് യൂണിയനുകളും വിവിധ മേഖലാ അസോസിയേഷനുകളും ഫെഡറേഷനുകളും ഉള്പ്പെട്ട സംയുക്ത വേദിയാണ് നാളെ ദേശീയ പൊതു പണിമുടക്കിന് ആഹ്വാനം ചെയ്തിരിക്കുന്നത്.
25 കോടിയിലധികം പേര് പണിമുടക്കില് പങ്കെടുക്കുമെന്നാണ് തൊഴിലാളി സംഘനകള് പറയുന്നത്. കേന്ദ്രസര്ക്കാര് കൊണ്ടുവന്ന പുതിയ തൊഴില് ചട്ടങ്ങള് പിന്വലിക്കുക, തൊഴിലാളികളുടെ വേതനം വര്ധിപ്പിക്കുക തുടങ്ങിയ ആവശ്യങ്ങള് ഉന്നയിച്ചാണ് പണിമുടക്ക്.കര്ഷകസംഘടനകളുടെ കൂട്ടായ്മയായ സംയുക്ത കിസാന്മോര്ച്ചയും കര്ഷക തൊഴിലാളി സംഘടനകളും പണിമുടക്കിന് പിന്തുണ പ്രഖ്യാപിച്ചിട്ടുണ്ട്.
