രാ​മ​ഗു​ണ്ടം കേ​ന്ദ്ര നി​ല​യ​ത്തി​ൽ നി​ന്നു​ള്ള വൈ​ദ്യു​തി വി​ഹി​തം ല​ഭി​ച്ചു തു​ട​ങ്ങി; നാളെ കെഎസ്ഇബി ഉ​ന്ന​ത​ത​ല യോ​ഗം

തി​രു​വ​ന​ന്ത​പു​രം: സം​സ്ഥാ​നം ക​ടു​ത്ത വൈ​ദ്യു​തി പ്ര​തി​സ​ന്ധി നേ​രി​ടു​ന്ന​തി​നി​ട​യി​ൽ രാ​മ​ഗു​ണ്ടം കേ​ന്ദ്ര നി​ല​യ​ത്തി​ൽ നി​ന്നു​ള്ള വൈ​ദ്യു​തി വി​ഹി​തം ല​ഭി​ച്ചു തു​ട​ങ്ങി​യ​തു കേ​ര​ള​ത്തി​നു താ​ത്ക്കാ​ലി​ക ആ​ശ്വാ​സ​മാ​യി. രാ​മ​ഗു​ണ്ടം നി​ല​യ​ത്തി​ലെ ജ​ന​റേ​റ്റ​ർ ത​ക​രാ​ർ മൂ​ലം വൈ​ദ്യു​തി വി​ഹി​തം ല​ഭി​ക്കു​ന്ന​തു മു​ട​ങ്ങി​ക്കി​ട​ക്കു​ക​യാ​യി​രു​ന്നു. ല​ഭി​ച്ച കേ​ന്ദ്ര വൈ​ദ്യു​തി വൈ​കു​ന്നേ​ര​ത്തെ ഉ​യ​ർ​ന്ന ഉ​പ​യോ​ഗ​ത്തി​ന് ഏ​റെ പ്ര​യോ​ജ​നം ചെ​യ്യം.

എ​ന്നാ​ൽ, പ​വ​ർ എ​ക്സ്ചേ​ഞ്ചി​ൽ നി​ന്നു ഉ​യ​ർ​ന്ന നി​ര​ക്കി​ലാ​ണു കേ​ര​ളം വൈ​ദ്യു​തി വാ​ങ്ങു​ന്ന​ത്. യൂ​ണി​റ്റി​ന് 16 രൂ​പ വ​രെ ഈ​ടാ​ക്കു​ന്നു​ണ്ട്. കേ​ര​ള​ത്തി​ലെ വൈ​ദ്യു​തി പ്ര​തി​സ​ന്ധി ച​ർ​ച്ച ചെ​യ്യാ​ൻ തി​ങ്ക​ളാ​ഴ്ച മ​ന്ത്രി കെ.​കൃ​ഷ്ണ​ൻ​കു​ട്ടി​യു​ടെ അ​ധ്യ​ക്ഷ​ത​യി​ൽ കെഎസ്ഇബി ഉ​ന്ന​ത ത​ല യോ​ഗം ചേ​രു​ന്നു​ണ്ട്. ലോ​ഡ് ഷെ​ഡിം​ഗ് ഒ​ഴി​വാ​ക്കു​ന്ന​തി​നു​ള്ള എ​ല്ലാ സാ​ധ്യ​ത​യും പ​ഠി​ച്ചു ബ​ദ​ൽ മാ​ർ​ഗ​ങ്ങ​ൾ നി​ർ​ദേ​ശി​ക്കാ​നാ​ണ് ഉ​ദ്യോ​ഗ​സ്ഥ​രോ​ട് മ​ന്ത്രി ആ​വ​ശ്യ​പ്പെ​ട്ടി​ട്ടു​ള്ള​ത്. ‌ യൂ​ണി​റ്റി​ന് 4.29 രൂ​പ​യ്ക്ക് 465 മെ​ഗാ​വാ​ട്ട് വൈ​ദ്യു​തി വാ​ങ്ങു​ന്ന​തി​നാ​യി ഒ​പ്പു വ​ച്ചി​രു​ന്ന ക​രാ​റു​ക​ൾ ന​ട​പ​ടി​ക്ര​മ​ങ്ങ​ളി​ലെ വീ​ഴ്ച മൂ​ലം റ​ഗു​ലേ​റ്റ​റി ക​മ്മീ​ഷ​ൻ റ​ദ്ദാ​ക്കി​യ​താ​ണു സം​സ്ഥാ​ന​ത്തെ വൈ​ദ്യു​തി പ്ര​തി​സ​ന്ധി രൂ​ക്ഷ​മാ​ക്കി​യ​ത്.