മികച്ച നടൻ മമ്മൂട്ടിയോ കുഞ്ചാക്കോ ബോബനോ? സംസ്ഥാന ചലച്ചിത്ര അവാർ‌ഡ് പ്രഖ്യാപനം ഇന്ന്

തിരുവനന്തപുരം: സംസ്ഥാന ചലച്ചിത്ര അവാർഡ് പ്രഖ്യാപനം ഇന്ന് വൈകുന്നേരം മൂന്ന് മണിയ്‌ക്ക്. മുൻ മുഖ്യമന്ത്രി ഉമ്മൻ ചാണ്ടിയുടെ നിര്യാണത്തോടെ മാറ്റിവച്ച അവാർഡ് പ്രഖ്യാപനമാണ് ഇന്ന് ഉച്ചതിരിഞ്ഞ് നടക്കുക.  പു​ര​സ്കാ​ര പ്ര​ഖ്യാ​പ​നം ഇ​ന്ന് വൈ​കി​ട്ട് മൂ​ന്നി​ന് സാം​സ്കാ​രി​ക വ​കു​പ്പ് മ​ന്ത്രി സ​ജി ചെ​റി​യാ​ൻ നി​ർ​വ​ഹി​ക്കും.

നൻപകൽ നേരത്ത് മയക്കം, റോഷാക്ക്, പുഴു എന്നീ ചിത്രങ്ങളിലൂടെ മമ്മൂട്ടിയും ന്നാ താൻ കേസ് കൊട്, അറിയിപ്പ് എന്നീ ചിത്രങ്ങളിലെ അഭിനയത്തിന് കുഞ്ചാക്കോ ബോബനും മികച്ച നടനുള്ള മത്സരത്തിൽ ശക്തമായി രംഗത്തുണ്ട്. അ​പ്പ​ൻ എ​ന്ന ചി​ത്ര​ത്തി​ലെ പ്ര​ക​ട​ന​വു​മാ​യി അ​ല​ൻ​സി​യ​ർ ലോ​പ്പ​സും മ​ത്സ​ര​രം​ഗ​ത്തു​ണ്ട്. ഒപ്പം മലയൻകുഞ്ഞിലെ അഭിനയത്തിന് ഫഹദ് ഫാസിലിനെയും പരിഗണിക്കുന്നു.

രേഖ എന്ന സിനിമയിലെ അഭിനയത്തിലൂടെ വിൻസി അലോഷ്യസും ആട്ടം എന്ന സിനിമയിലൂടെ സെറിൻ ഷിഹാബും അപ്രതീക്ഷിതമായി അവസാന റൗണ്ടിലെത്തി. സൗദി വെള്ളയ്ക്കയിലെ അഭിനയം ദേവി വർമ്മയെ ഇവർക്കൊപ്പം എത്തിച്ചിട്ടുണ്ട്. ദേവി വർമ്മയെ സഹനടിക്കുള്ള പുരസ്‌കാരത്തിനും പരിഗണിക്കുന്നുണ്ട്. നടിക്കുള്ള അവാർഡ് പങ്കുവയ്ക്കണമെന്ന അഭിപ്രായവും ജൂറിയിൽ ഉണ്ട്.

ലി​ജോ ജോ​സ് പെ​ല്ലി​ശേ​രി, ഡോ. ​ബി​ജു(​അ​ദൃ​ശ്യ ജാ​ല​ക​ങ്ങ​ൾ), ഖാ​ലി​ദ് റ​ഹ്മാ​ൻ(​ത​ല്ലു​മാ​ല) എ​ന്നി​വ​രാ​ണ് മി​ക​ച്ച സം​വി​ധാ​യ​ക​നു​ള്ള പു​ര​സ്കാ​ര പ​ട്ടി​ക​യി​ൽ മു​ൻ​പ​ന്തി​യി​ലു​ള്ള​ത്.മികച്ച ചിത്രത്തിനുള്ള മത്സരത്തിൽ ലിജോ ജോസ് പെല്ലിശ്ശേരിയുടെ നൻപകൽ നേരത്ത് മയക്കം, തരുൺ മൂർത്തിയുടെ സൗദി വെള്ളയ്ക്ക, മഹേഷ് നാരായണന്റെ അറിയിപ്പ്, ഷാഹി കബീറിന്റെ ഇല വീഴാ പൂഞ്ചിറ എന്നീ ചിത്രങ്ങളാണ് അവസാന റൗണ്ടിൽ. സനൽകുമാർ ശശിധരൻ സംവിധാനം ചെയ്ത വഴക്ക്  മൂന്ന് അവാർഡുകൾ നേടുമെന്നാണ് സൂചന. ത​ല്ലു​മാ​ല, മു​കു​ന്ദ​നു​ണ്ണി അ​സോ​സി​യേ​റ്റ്സ് എ​ന്നീ ചി​ത്ര​ങ്ങ​ൾ ജ​ന​പ്രീ​തി​യും ക​ലാ​മൂ​ല്യ​വു​മു​ള്ള ചി​ത്ര​മാ​കാ​നു​ള്ള ക​ടു​ത്ത പോ​രാ​ട്ട​ത്തി​ലാ​ണ്.

മ​ത്സ​ര​ത്തി​നാ​യി സ​മ​ർ​പ്പി​ക്ക​പ്പെ​ട്ട 156 ചി​ത്ര​ങ്ങ​ളി​ൽ നി​ന്ന് ര​ണ്ട് ഉ​പ​സ​മി​തി​ക​ൾ ഫൈ​ന​ൽ റൗ​ണ്ടി​ലേ​ക്ക് തെ​ര​ഞ്ഞെ​ടു​ത്ത ചി​ത്ര​ങ്ങ​ൾ ക​ണ്ട് പു​ര​സ്കാ​ര​ങ്ങ​ൾ നി​ശ്ച​യി​ച്ച​ത് ബം​ഗാ​ളി​ൽ നി​ന്നു​ള്ള പ്ര​ശ​സ്ത സം​വി​ധാ​യ​ക​നും ന​ട​നു​മാ​യ ഗൗ​തം ഘോ​ഷ് ചെ​യ​ർ​മാ​നാ​യ അ​ന്തി​മ ജൂ​റി​യാ​ണ്. ഉ​പ​സ​മി​തി​ക​ളി​ലെ ചെ​യ​ർ​മാ​ൻ​മാ​ർ​ക്ക് പു​റ​മേ ഛായാ​ഗ്രാ​ഹ​ക​ൻ ഹ​രി നാ​യ​ർ, ശ​ബ്ദ ലേ​ഖ​ക​ൻ ഡി. ​യു​വ​രാ​ജ്, ന​ടി ഗൗ​ത​മി, പി​ന്ന​ണി ഗാ​യി​ക ജെ​ൻ​സി ഗ്രി​ഗ​റി എ​ന്നി​വ​രാ​ണ് ജൂ​റി അം​ഗ​ങ്ങ​ൾ.