ആ​രാ​ധ​നാ​ല​യ​ങ്ങ​ളി​ൽ അ​സ​മ​യ​ത്തെ വെ​ടി​ക്കെ​ട്ട് നി​രോ​ധ​നം : സ​ർ​ക്കാ​ർ‌ അ​പ്പീ​ൽ ഇ​ന്ന് ഹൈക്കോടതി പ​രി​ഗ​ണി​ക്കും

കൊ​ച്ചി: കേ​ര​ള​ത്തി​ലെ ആ​രാ​ധ​നാ​ല​യ​ങ്ങ​ളി​ൽ അ​സ​മ​യ​ത്തെ വെ​ടി​ക്കെ​ട്ടു നി​രോ​ധ​ന​വു​മാ​യി ബ​ന്ധ​പ്പെ​ട്ട ഹൈ​ക്കോ​ട​തി സിം​ഗി​ള്‍ ബെ​ഞ്ച് ഉ​ത്ത​ര​വി​നെ​തി​രേ സ​ര്‍​ക്കാ​ര്‍ ന​ല്‍​കി​യ അ​പ്പീ​ല്‍ ഹൈ​ക്കോ​ട​തി ഇ​ന്ന് പ​രി​ഗ​ണി​ക്കും. ചീ​ഫ് ജ​സ്റ്റീ​സ് ആ​ശി​ഷ്. ജെ. ​ദേ​ശാ​യി, ജ​സ്റ്റീ​സ് വി.​ജി. അ​രു​ണ്‍ എ​ന്നി​വ​രു​ള്‍​പ്പെ​ട്ട ഡി​വി​ഷ​ന്‍ ബെ​ഞ്ചാ​ണ് അ​പ്പീ​ൽ പ​രി​ഗ​ണി​ക്കു​ന്ന​ത്.

ഇ​ട​ക്കാ​ല ഉ​ത്ത​ര​വ് റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ട്ടാ​ണ് സ​ർ​ക്കാ​ർ അ​പ്പീ​ൽ ന​ൽ​കി​യി​ട്ടു​ള്ള​ത്. ഹ​ര്‍​ജി​യി​ല്‍ ഉ​ന്ന​യി​ക്കാ​ത്ത ആ​വ​ശ്യ​ങ്ങ​ളി​ലാ​ണ് സിം​ഗി​ള്‍​ബെ​ഞ്ച് ഉ​ത്ത​ര​വ് ന​ല്‍​കി​യ​തെ​ന്നും വെ​ടി​ക്കെ​ട്ട് പാ​ടി​ല്ലെ​ന്നു പ​റ​യു​മ്പോ​ള്‍ ഏ​തു സ​മ​യ​ത്താ​ണെ​ന്ന് വ്യ​ക്ത​മാ​ക്കി​യി​ട്ടി​ല്ലെ​ന്നും അ​പ്പീ​ലി​ല്‍ പ​റ​യു​ന്നു.

അ​സ​മ​യ​ത്ത് വെ​ടി​ക്കെ​ട്ട് പാ​ടി​ല്ലെ​ന്ന ഉ​ത്ത​ര​വി​നെ​തി​രെ വി​വി​ധ ക്ഷേ​ത്ര​ങ്ങ​ളും ദേ​വ​സ്വ​ങ്ങ​ളും രം​ഗ​ത്ത് വ​ന്നി​രു​ന്നു. ക്ഷേ​ത്രാ​ചാ​ര​ങ്ങ​ളി​ല്‍ രാ​ത്രി​വെ​ടി​ക്കെ​ട്ട് ഒ​ഴി​വാ​ക്കാ​നാ​വി​ല്ലെ​ന്നും ദേ​വ​സ്വ​ങ്ങ​ള്‍ സ​ര്‍​ക്കാ​രി​നെ അ​റി​യി​ച്ചു. ഇ​തി​ന് പി​ന്നാ​ലെ​യാ​ണ് സ​ര്‍​ക്കാ​ര്‍ ത​ന്നെ അ​പ്പീ​ല്‍ ന​ല്‍​കി​യ​ത്.

ക്ഷേ​ത്രോ​ത്സ​വ​ത്തി​നു​ള്ള വെ​ടി​ക്കെ​ട്ടി​ന് ഇ​ള​വ് ന​ൽ​കി 2005 ൽ ​സു​പ്രീം​കോ​ട​തി ഇ​ള​വ് ന​ൽ​കി​യി​ട്ടു​ണ്ട്. 2006ൽ ​ഇ​തി​ൽ വ്യ​ക്ത​ത വ​രു​ത്തി വീ​ണ്ടും ഉ​ത്ത​ര​വി​റ​ക്കി​യി​ട്ടു​ണ്ട്. തൃ​ശൂ​ർ പൂ​ര​ത്തി​നും ആ​റാ​ട്ട് പു​ഴ പൂ​ര​ത്തി​നും വെ​ടി​ക്കെ​ട്ട് ന​ട​ത്താ​ൻ സു​പ്രീം കോ​ട​തി അ​നു​മ​തി ന​ൽ​കി​യി​ട്ടു​ണ്ട്. നി​യ​മ​പ​ര​മ​ല്ലാ​ത്ത ഉ​ത്ത​ര​വ് റ​ദ്ദാ​ക്ക​ണ​മെ​ന്നും സ​ർ​ക്കാ​ർ ഹൈ​ക്കോ​ട​തി​യി​ൽ ന​ൽ​കി​യ ഹ​ർ​ജി​യി​ൽ വ്യ​ക്ത​മാ​ക്കു​ന്നു.