പാലാ നവകേരള സദസ്സിലെ ശകാരമടക്കം മുഖ്യന്റെ നിലപാടുകൾ തിരിച്ചടിയായി, കേരളാ കോൺഗ്രസ് യോഗത്തിൽ തോമസ് ചാഴികാടൻ
‘മത്സരിക്കുന്നത് ചിഹ്നം സംരക്ഷിക്കാനെന്ന പ്രസ്താവന തിരിച്ചടിച്ചു ‘; കേന്ദ്രകമ്മറ്റിയംഗം എ.കെ ബാലനെ രൂക്ഷ വിമർശിച്ച് പാലക്കാട് സിപിഎം ജില്ലാകമ്മറ്റി
June 24, 2024
കേരളമെന്ന പേരിനായുള്ള പ്രമേയം വീണ്ടും നിയമസഭയിൽ വരുമ്പോൾ ലോകമോർക്കുന്നത് ഏഷ്യാനെറ്റ് ന്യൂസിന്റെ മുഴങ്ങട്ടെ കേരളം പരമ്പര
June 24, 2024
കോട്ടയം: കോട്ടയം ലോക്സഭാ സീറ്റിലെ കേരളാ കോൺഗ്രസ് മാണി വിഭാഗത്തിന്റെ തോൽവിക്ക് മുഖ്യമന്ത്രിയുടെ നിലപാടുകളും കാരണമായെന്ന് വിമർശനം. കോട്ടയത്തെ ഇടതു സ്ഥാനാർത്ഥിയായിരുന്ന തോമസ് ചാഴിക്കാടനാണ് കേരള കോൺഗ്രസ് എം സ്റ്റിയറിങ് കമ്മിറ്റി യോഗത്തിൽ മുഖ്യമന്ത്രിക്കെതിരെ വിമർശനം ഉന്നയിച്ചത്. തോൽവിയിൽ മുഖ്യമന്ത്രിയെ മാത്രം പഴിചാരുന്നത് ശരിയല്ലന്ന ജോസ് കെ മാണി അടക്കമുള്ളവരുടെ അഭിപ്രായങ്ങളെ ഖണ്ഡിച്ചു കൊണ്ടാണ് ചാഴിക്കാടന്റെ വിമർശനം വന്നത്.
പാലായിൽ നടന്ന നവ കേരള സദസ്സിലെ ശകാരം അടക്കം തിരിച്ചടിയായി. എക്കാലവും ഇടതുപക്ഷത്തോടൊപ്പം അടിയുറച്ചു നിന്നിരുന്ന അടിസ്ഥാന ജനവിഭാഗങ്ങള്‍ പാര്ലമെന്റ് തിരഞ്ഞെടുപ്പില്‍ ഇടതുമുന്നണിയില്‍ നിന്നും അകന്നത് എല്‍ഡിഎഫ് ഗൗരവമായി കാണണം. സി പി എം വോട്ടുകൾ ഇടതുമുന്നണി സ്ഥാനാർത്ഥിക്ക് ലഭിക്കാതെ പോയതും അന്വേഷിക്കണമെന്നും ചാഴിക്കാടൻ ആവശ്യം ഉന്നയിച്ചു.സര്‍ക്കാരിന്‍റെ മുന്‍ഗണനകളില്‍ ആവശ്യങ്ങളായ മാറ്റങ്ങള്‍ വരുത്തുവാന്‍ തയ്യാറാകണം. തെരഞ്ഞെടുപ്പ് വിജയങ്ങളില്‍ ഉള്ളതുപോലെ പരാജയങ്ങളിലും കൂട്ടുത്തരവാദിത്വമാണ് മുന്നണിയിലെ ഘടകകക്ഷികള്‍ക്കുള്ളത്-കേരളാ കോൺഗ്രസ് സ്റ്റിയറിങ് കമ്മറ്റി അഭിപ്രായപ്പെട്ടു.
ഭൂപരിഷ്‌കരണ കമ്മീഷന്‍ രൂപീകരണവും അതിരൂക്ഷമായ വന്യജീവി ആക്രമണങ്ങള്‍ തുടങ്ങിയ വിഷയങ്ങളിലെ പരിഹാര നിര്‍ദ്ദേശങ്ങള്‍ക്കായി എല്‍ഡിഎഫ് ഉപസമിതി രൂപീകരിക്കണമെന്ന് ഇടതു മുന്നണിയില്‍ ആവശ്യപ്പെടുവാന്‍ കേരള കോണ്‍ഗ്രസ് എം സ്റ്റിയറിങ് കമ്മിറ്റി യോഗം തീരുമാനിച്ചു.മലയോര മേഖലകളിലെ കര്‍ഷകരുമായി ബന്ധപ്പെട്ട വിഷയങ്ങള്‍ സമയബന്ധിതമായി പരിഹരിക്കാന്‍ കഴിയാത്തത് പാര്ലമെന്റ് തിരഞ്ഞെടുപ്പില്‍ തിരിച്ചടിയായി എന്ന വിലയിരുത്തലിന്‍റെ അടിസ്ഥാനത്തിലാണ് എല്‍.ഡി.എഫ് ഉപസമിതി എന്ന ആവശ്യം മുന്നണിക്കുള്ളില്‍ ഉന്നയിക്കാന്‍ പാര്‍ട്ടി തീരുമാനിച്ചത്.നീറ്റ് പരീക്ഷ ക്രമക്കേടുമായി ബന്ധപ്പെട്ട വിഷയത്തില്‍ പ്രധാനമന്ത്രി പാര്‍ലമെന്‍റില്‍ പ്രസ്താവന നടത്തണമെന്നും കേരള കോണ്‍ഗ്രസ് എം സ്റ്റിയറിംഗ് കമ്മിറ്റി ആവശ്യപ്പെട്ടു.
