വിഴിഞ്ഞം തുറമുഖ നിർമാണത്തിന് സർക്കാർ നൽകിയത് മുന്തിയ പരിഗണന: മുഖ്യമന്ത്രി പിണറായി വിജയൻ

തിരുവനന്തപുരം: വിഴിഞ്ഞം തുറമുഖ നിർമാണത്തിന് സർക്കാർ മുന്തിയ പരിഗണന നൽകിയെന്ന് മുഖ്യമന്ത്രി പിണറായി വിജയൻ. പ്രകൃതി ദുരന്തങ്ങളും മഹാമാരിയും പദ്ധതിയെ ബാധിച്ചു. പാറയുടെ ലഭ്യത പ്രശ്‌നമായിരുന്നെങ്കിലും തമിഴ്‌നാട്ടിൽ നിന്ന് പാറ എത്തിക്കാനായി. പ്രതിവർഷം 10 ലക്ഷം കണ്ടയ്‌നർ കൈകാര്യം ചെയ്യാൻ തുറമുഖത്തിന് കഴിയുമെന്നും മുഖ്യമന്ത്രി പറഞ്ഞു.

നാടിന്റെ പുരോഗതിയിൽ ഒരു നാഴിക കല്ലാണ് വിഴിഞ്ഞം അന്താരാഷ്ട്ര തുറമുഖം. ദേശീയ പാത, ഗെയിൽ പൈപ്പ് ലൈൻ, എടമൺ-കൊച്ചി പവർ ഹൈവേ, കൊച്ചി മെട്രോ പോലെയുള്ള പശ്ചാത്തല വികസന പ്രവർത്തനങ്ങൾ പോലെത്തന്നെയാണ് എൽ.ഡി.എഫ് സർക്കാർ വിഴിഞ്ഞം തുറമുഖത്തിനും പരിഗണന നല്കിയതെന്നും മുഖ്യമന്ത്രി പറഞ്ഞു. അന്താരാഷ്ട്ര കപ്പൽ ചാനലിനോട് കേവലം 11 നോട്ടിക്കൽ മൈൽ അടുത്തും പ്രകൃതിദത്തമായ 20 മീറ്റർ സ്വാഭാവികമായ ആഴമുള്ളതുമാണ് വിഴിഞ്ഞം തുറമുഖമെന്നും മുഖ്യമന്ത്രി പറഞ്ഞു.

400 മീ​റ്റ​ർ നീ​ള​മു​ള്ള അ​ഞ്ച് ബ​ർ​ത്തു​ക​ളും മൂ​ന്ന് കി​ലോ​മീ​റ്റ​ർ നീ​ള​മു​ള്ള പു​ലി​മു​ട്ടും അ​ട​ങ്ങി​യ പ​ദ്ധ​തി​യാ​ണി​ത്. പു​ലി​മു​ട്ടി​ന്‍റെ നി​ർ​മാ​ണം അ​തി​വേ​ഗ​മാ​ണ് പൂ​ർ​ത്തി​യാ​ക്കി​യ​ത്. 55 ല​ക്ഷം ട​ണ്‍ പാ​റ ഉ​പ​യോ​ഗി​ച്ച് 2960 മീ​റ്റ​ർ പു​ലി​മു​ട്ട് നി​ർ​മാ​ണം പൂ​ർ​ത്തി​യാ​ക്കി. ഇ​തി​ൽ 2460 മീ​റ്റ​ർ ആ​ക്രോ​പോ​ഡ് ഉ​പ​യോ​ഗി​ച്ച് സു​ര​ക്ഷി​ത​മാ​ക്കി. പു​ലി​മു​ട്ട് നി​ർ​മാ​ണ​ത്തി​ന്‍റെ 30 ശ​ത​മാ​നം പൂ​ർ​ത്തി​യാ​ക്കി​യാ​ൽ ന​ൽ​കേ​ണ്ട ആ​ദ്യ ഗ​ഡു 450 കോ​ടി രൂ​പ ക​ന്പ​നി​ക്ക് ന​ൽ​കി കേ​ന്ദ്ര​ത്തി​ൽ നി​ന്ന് ല​ഭി​ക്കേ​ണ്ട 817 കോ​ടി ല​ഭ്യ​മാ​ക്കാ​നു​ള്ള ത​ട​സ​ങ്ങ​ൾ​ക്ക്, തു​റ​മു​ഖ മ​ന്ത്രി കേ​ന്ദ്ര ധ​ന​മ​ന്ത്രി​യു​മാ​യി ച​ർ​ച്ച ന​ട​ത്തി​യ​തി​ന്‍റെ അ​ടി​സ്ഥാ​ന​ത്തി​ൽ പ​രി​ഹാ​ര​മാ​യി.

വി​ഴി​ഞ്ഞം മു​ത​ൽ ബാ​ല​രാ​മ​പു​രം വ​രെ 11 കി​ലോ​മീ​റ്റ​ർ റെ​യി​ൽ പാ​ത​യ്ക്ക് കൊ​ങ്ക​ണ്‍ റെ​യി​ൽ​വേ ത​യാ​റാ​ക്കി​യ ഡി​പി​ആ​റി​ന് കേ​ന്ദ്ര​ത്തി​ന്‍റെ അം​ഗീ​കാ​രം ല​ഭി​ച്ചു. തു​റ​മു​ഖ​ത്തെ ദേ​ശീ​യ പാ​ത​യു​മാ​യി ബ​ന്ധി​പ്പി​ക്കു​ന്ന റോ​ഡി​ന് ആ​വ​ശ്യ​മാ​യ ഭൂ​മി ഏ​റ്റെ​ടു​ത്ത് ന​ൽ​കി. ഇ​തി​ന്‍റെ നി​ർ​മാ​ണം അ​ന്തി​മ​ഘ​ട്ട​ത്തി​ലാ​ണ്. 2000 പേ​ർ​ക്ക് നേ​രി​ട്ട് തൊ​ഴി​ൽ ന​ൽ​കാ​വു​ന്ന ലോ​ജി​സ്റ്റി​ക് പാ​ർ​ക്ക്, പ​ദ്ധ​തി പ്ര​ദേ​ശ​ത്ത് ആ​രം​ഭി​ക്കാ​ൻ ക​ന്പ​നി സ​ന്ന​ദ്ധ​ത അ​റി​യി​ച്ചി​ട്ടു​ണ്ട്. പ​ദ്ധ​തി പ്ര​ദേ​ശ​ത്തു​ള്ള ആ​ളു​ക​ൾ​ക്ക്, പ്ര​ത്യേ​കി​ച്ച് യു​വാ​ക്ക​ൾ​ക്ക് മു​ന്തി​യ പ​രി​ഗ​ണ​ന ന​ൽ​കും. 50 കോ​ടി രൂ​പ ചെ​ല​വി​ൽ അ​സാ​പ് നി​ർ​മി​ച്ച കെ​ട്ടി​ട​ത്തി​ന്‍റെ നി​ർ​മാ​ണം പൂ​ർ​ത്തി​യാ​യി.

ഇ​ത് തു​റ​മു​ഖ അ​ധി​ഷ്ഠി​ത തൊ​ഴി​ൽ പ​രി​ശീ​ല​നം ന​ൽ​കു​ന്ന കേ​ന്ദ്ര​മാ​ക്കി മാ​റ്റും. 6000 കോ​ടി രൂ​പ ചെ​ല​വ​ഴി​ച്ച് നി​ർ​മി​ക്കു​ന്ന ഔ​ട്ട​ർ റിം​ഗ് റോ​ഡ്, തു​റ​മു​ഖ​ത്തി​ന്‍റെ ക​ണ​ക്ടി​വി​റ്റി കൂ​ടു​ത​ൽ കാ​ര്യ​ക്ഷ​മ​മാ​ക്കു​മെ​ന്നും മു​ഖ്യ​മ​ന്ത്രി പ​റ​ഞ്ഞു.