കെജ്‌രിവാളിന്റെ ജയിൽമോചനം സ്വാധീനിക്കുമോ ? ഡൽഹിയും ഹരിയാനയും 25 ന് ബൂത്തിലേക്ക്
ഇസ്രായേൽ പ്രധാനമന്ത്രി നെതന്യാഹുവിനെ അറസ്റ്റ് ചെയ്യുമെന്ന മുന്നറിയിപ്പുമായി നോർവെ
May 22, 2024
അതിതീവ്ര മഴ ; 2 ജില്ലയിൽ ഇന്ന്‌ റെഡ്‌ അലർട്ട്‌ ; 8 ജില്ലയിൽ ഓറഞ്ച്‌ അലർട്ട്‌
May 22, 2024
ന്യൂഡൽഹി : അരവിന്ദ് കെജ്രിവാളിന്റ്‌റെ ജയിൽ വാസത്തിനു ശേഷം രാഷ്ട്രീയ ട്രെൻഡ് മാറിവീശുന്ന സംസ്ഥാനങ്ങളിൽ നിർണായകമായ ആറാംഘട്ട വോട്ടെടുപ്പ്‌ 25ന്. ഏഴ്‌ സംസ്ഥാനത്തും ജമ്മു-കശ്‌മീരിലെ അനന്ത്‌നാഗ്‌–-രജൗരിയിലുമായി 58 മണ്ഡലമാണ്‌ ആറാംഘട്ടത്തിൽ. 889 സ്ഥാനാർഥികളുണ്ട്‌. കഴിഞ്ഞതവണ 58ൽ 45 ഇടത്തും ജയിച്ചത്‌ ബിജെപിയും സഖ്യകക്ഷികളുമാണ്‌. യുപിഎക്ക്‌ ഒരു സീറ്റ്‌ കിട്ടിയപ്പോൾ 12 മണ്ഡലത്തിൽ ഇതര കക്ഷികൾ ജയിച്ചു.
ഹരിയാനയിലെ പത്തും ഡൽഹിയിലെ ഏഴും മണ്ഡലത്തിൽ 25ന് ഒറ്റഘട്ടമായി പോളിങ്‌ നടക്കും. 2019ൽ ഈ 17 സീറ്റും ബിജെപി നേടി. കെജ്‌രിവാളിന്റെ അറസ്റ്റും ജയിൽ മോചനവും ഉയർത്തുന്ന രാഷ്ട്രീയ ആവേശത്തിൽ ഇത്തവണ രണ്ടു സംസ്ഥാനത്തും ഇന്ത്യ കൂട്ടായ്‌മ ബിജെപിക്ക്‌ ശക്തമായ വെല്ലുവിളി ഉയർത്തുകയാണ്‌. ഉത്തർപ്രദേശിൽ 14, ബംഗാളിലും ബിഹാറിലും എട്ടുവീതം, ഒഡിഷയിൽ ആറ്‌, ജാർഖണ്ഡിൽ നാലു മണ്ഡലത്തിലും വോട്ടെടുപ്പ്‌ നടക്കും. ബംഗാളിൽ തംലൂക്ക്‌, ബാങ്കുര, ബിഷ്‌ണുപുർ,ജാർഗ്രാം, കാന്തി, ഘട്ടാൽ, മേദിനിപുർ, പുരുളിയ എന്നീ മണ്ഡലങ്ങളിലാണ്‌ വോട്ടെടുപ്പ്‌. ഇവിടെയും സിറ്റിങ്‌ സീറ്റുകൾ നഷ്ടപ്പെടുമെന്ന ആശങ്കയിലാണ്‌ ബിജെപി.ജമ്മു -കശ്‌മീർ മുൻ മുഖ്യമന്ത്രി മെഹ്‌ബൂബ മുഫ്‌തി (അനന്ത്‌നാഗ്‌–-രജൗരി), ഹരിയാന മുൻ മുഖ്യമന്ത്രി മനോഹർലാൽ ഖട്ടർ (കർണാൽ), കോൺഗ്രസ്‌ നേതാവ്‌ ദീപേന്ദ്രസിങ്‌ ഹൂഡ (റോത്തക്ക്‌), മുൻ കേന്ദ്രമന്ത്രി മനേക ഗാന്ധി (സുൽത്താൻപുർ, യുപി), കേന്ദ്രമന്ത്രി ധർമേന്ദ്ര പ്രധാൻ (സാംബൽപുർ, ഒഡിഷ), സോമനാഥ്‌ ഭാരതി, ബൻസൂരി സ്വരാജ്‌ (ന്യൂഡൽഹി), കനയ്യകുമാർ (വടക്കുകിഴക്കൻ ഡൽഹി) എന്നിവരാണ്‌ ഈ ഘട്ടത്തിലെ പ്രധാനികൾ. ജൂൺ ഒന്നിന്‌ അവസാനഘട്ടത്തിൽ 57 മണ്ഡലത്തിൽ വോട്ടെടുപ്പ്‌ നടക്കും. നാലിന്‌ വോട്ടെണ്ണൽ.
