പ​ത്താം ക്ലാ​സു​കാ​രനെ കാ​റി​ടി​ച്ച് കൊന്ന കേസ്‌ : പ്രതിക്കെതിരെ കൊലക്കുറ്റം ചുമത്തി

തി​രു​വ​ന​ന്ത​പു​രം: കാ​ട്ടാ​ക്ക​ട​യി​ല്‍ പ​ത്താം ക്ലാ​സു​കാ​രനെ കാ​റി​ടി​ച്ച് കൊന്ന കേസിൽ  പ്ര​തി പ്രി​യ​ര​ഞ്ജ​നെ​തി​രേ കൊ​ല​ക്കു​റ്റ​ത്തി​ന് കേ​സെ​ടു​ത്തു.പ്ര​തി​ക്ക് കു​ട്ടി​യോ​ട് മു​ന്‍​വൈ​രാ​ഗ്യ​മു​ണ്ടാ​യി​രു​ന്നെ​ന്ന് സ്ഥി​രീ​ക​രി​ച്ച​താ​യും അ​ന്വേ​ഷ​ണ ഉ​ദ്യോ​ഗ​സ്ഥ​നാ​യ ഡി​വൈ​എ​സ്പി എ​ന്‍.​ഷി​ബു പറഞ്ഞു .

സി​സി​ടി​വി ദൃ​ശ്യ​ങ്ങ​ള്‍ പ​രി​ശോ​ധി​ച്ച​പ്പോ​ഴാ​ണ് സം​ഭ​വ​ത്തി​ലെ അ​സ്വാ​ഭാ​വി​ക​ത മ​ന​സി​ലാ​യ​ത്. തു​ട​ര്‍​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് ഇ​വ​ര്‍ ത​മ്മി​ല്‍ നേ​ര​ത്തേ​യു​ണ്ടാ​യ ത​ര്‍​ക്ക​ത്തേ​ക്കു​റി​ച്ച് വ്യ​ക്ത​മാ​യ​തെ​ന്നും ഡി​വൈ​എ​സ്പി അ​റി​യി​ച്ചു.

പൂ​വ​ച്ച​ലി​ല്‍ ക്ഷേ​ത്ര മ​തി​ലി​ന് സ​മീ​പം മൂ​ത്ര​മൊ​ഴി​ച്ച​ത് ചോ​ദ്യം​ചെ​യ്ത​തി​ന്‍റെ വൈ​രാ​ഗ്യ​ത്തി​ലാ​ണ് യു​വാ​വ് ബ​ന്ധു​വാ​യ 10 വ​യ​സു​കാ​ര​നെ കാ​റി​ടി​ച്ച് കൊ​ല​പ്പെ​ടു​ത്തി​യ​ത്. പൂ​വ​ച്ച​ല്‍ സ്വ​ദേ​ശി​യാ​യ ആ​ദി​ശേ​ഖ​ര​ന്‍ ആ​ണ് മ​രി​ച്ച​ത്. ഓ​ഗ​സ്റ്റ് 31ന് ​പു​ളി​ങ്കോ​ട് ക്ഷേ​ത്ര​ത്തി​ന് സ​മീ​പ​ത്ത് വ​ച്ചാ​ണ് ആ​ദി​ശേ​ഖ​ര​ന്‍ വാ​ഹ​ന​മി​ടി​ച്ച് മ​രി​ച്ച​ത്. സാ​ധാ​ര​ണ വാ​ഹ​നാ​പ​ക​ടം എ​ന്ന നി​ഗ​മ​ന​ത്തി​ലാ​യി​രു​ന്നു പൊലീ​സും ആ​ദി​ശേ​ഖ​ര​ന്‍റെ കു​ടും​ബാം​ഗ​ങ്ങ​ളും എ​ന്ന​തി​നാ​ല്‍ വി​ശ​ദ​മാ​യ അ​ന്വേ​ഷ​ണം ന​ട​ന്നി​രു​ന്നി​ല്ല.

അ​പ​ക​ട​ത്തി​ന് പി​ന്നാ​ലെ പ്രി​യ​ര​ഞ്ജ​ന്റെ എ​സ്‌​യു​വി വാ​ഹ​നം പോ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. പ്രി​യ​ര​ഞ്ജ​ന്‍ ഒ​ളി​വി​ല്‍ പോ​യ​തി​നാ​ല്‍ ഇ​യാ​ളു​ടെ ഭാ​ര്യ​യാ​ണ് കാ​റി​ന്‍റെ താ​ക്കോ​ല്‍ പൊ​ലീ​സ് സ്‌​റ്റേ​ഷ​നി​ല്‍ എ​ത്തി​ച്ച​ത്. സം​ഭ​വ​ത്തെ​പ്പ​റ്റി വി​ശ​ദ​മാ​യി അ​ന്വേ​ഷി​ക്കു​ന്ന​തി​നാ​യി മേ​ഖ​ല​യി​ലെ സി​സി​ടി​വി ദൃ​ശ്യ​ങ്ങ​ള്‍ പ​രി​ശോ​ധി​ച്ച​പ്പോ​ഴാ​ണ് ന​ര​ഹ​ത്യാ സാ​ധ്യ​ത പൊ​ലീ​സി​ന് വെ​ളി​പ്പെ​ട്ട​ത്. സൈ​ക്കി​ളി​ല്‍ സു​ഹൃ​ത്തു​മാ​യി സം​സാ​രി​ച്ച് നി​ല്‍​ക്കു​ക​യാ​യി​രു​ന്ന കു​ട്ടി​യെ, സ​മീ​പ​ത്ത് നി​ര്‍​ത്തി​യി​ട്ടി​രു​ന്ന കാ​ര്‍ മ​നഃ​പൂ​ര്‍​വം ഇ​ടി​ച്ചു​തെ​റി​പ്പി​ക്കു​ന്ന ദൃ​ശ്യ​ങ്ങ​ള്‍ പൊ​ലീ​സി​ന് ല​ഭി​ച്ചു.

തു​ട​ര്‍​ന്ന് കു​ട്ടി​യു​ടെ മാ​താ​പി​താ​ക്ക​ളെ വി​ശ​ദ​മാ​യി ചോ​ദ്യം​ചെ​യ്ത​പ്പോ​ള്‍, ക്ഷേ​ത്ര മ​തി​ലി​ന് സ​മീ​പം പ്രി​യ​ര​ഞ്ജ​ന്‍ മൂ​ത്ര​മൊ​ഴി​ച്ച​ത് കു​ട്ടി ചോ​ദ്യം​ചെ​യ്തി​രു​ന്നു​വെ​ന്നും ഇ​തു​മാ​യി ബ​ന്ധ​പ്പെ​ട്ട് വാ​ക്കു​ത​ര്‍​ക്കം ഉ​ണ്ടാ​യി​രു​ന്നു​വെ​ന്നും അ​റി​ഞ്ഞു.ഇ​തി​ന് പി​ന്നാ​ലെ ന​ട​ന്ന അ​ന്വേ​ഷ​ണ​ത്തി​ല്‍, അ​പ​ക​ടം ന​ട​ന്ന ദി​വ​സ​വും ക്ഷേ​ത്ര മ​തി​ലി​ന് സ​മീ​പം മൂ​ത്ര​മൊ​ഴി​ച്ച ശേ​ഷ​മാ​ണ് ഇ​യാ​ള്‍ വാ​ഹ​ന​ത്തി​ല്‍ കു​ട്ടി​യു​ടെ അ​ടു​ത്തേ​ക്ക് എ​ത്തി​യ​തെ​ന്നും വ്യ​ക്ത​മാ​യി​രു​ന്നു.