പ്രവാസി കുടുംബത്തിലെ കൂ‌ട്ടക്കൊല: പ്രതിയെത്തിയത് ഓട്ടോയിൽ, 15 മിനിറ്റിനുശേഷം വീണ്ടും കണ്ടെന്ന് ഓട്ടോ ഡ്രൈവറുടെ മൊഴി

മം​ഗ​ളൂ​രു: ക​ർണാടകയിലെ ഉഡുപ്പിയിൽ പ്ര​വാ​സി​യു​ടെ ഭാ​ര്യ​യേ​യും മ​ക്ക​ളേ​യും കു​ത്തി​കൊ​ല​പ്പെ​ടു​ത്തി​യ സം​ഭ​വ​ത്തി​ൽ കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വി​ട്ട് അ​ന്വേ​ഷ​ണ​സം​ഘം. കൊ​ല​പാ​ത​കം ന​ട​ത്തു​ക എ​ന്ന ഉ​ദ്ദേ​ശ്യ​ത്തോ​ടെ ത​ന്നെ​യാ​ണ് പ്ര​തി വീ​ട്ടി​ൽ വ​ന്ന​തെ​ന്നും മോ​ഷ്ടിക്കുക എ​ന്ന ല​ക്ഷ്യം ഇ​യാ​ൾ​ക്കി​ല്ലാ​യി​രു​ന്നു​വെ​ന്നും പൊ​ലീ​സ് പ​റ​ഞ്ഞു.

വീ​ട്ടി​ൽ നി​ന്നും വി​ല​പി​ടി​പ്പു​ള്ള വ​സ്തു​ക്ക​ളൊ​ന്നും മോ​ഷ​ണം പോ​യി​ട്ടി​ല്ല. ഞാ‌​യ​റാ​ഴ്ച രാ​വി​ലെ 8.30നും ​ഒ​ന്പ​തി​നും ഇ​ട​യി​ലാ​യി​രു​ന്നു സം​ഭ​വം. പ്ര​വാ​സി​യാ​യ നൂ​ര്‍ മു​ഹ​മ്മ​ദി​ന്‍റെ ഭാ​ര്യ ഹ​സീ​ന (46), മ​ക്ക​ളാ​യ അ​ഫ്സാ​ന്‍(23), അ​സീം(14), അ​യ​നാ​സ്(20) എ​ന്നി​വ​രെ​യാ​ണ് കൊ​ല്ല​പ്പെ‌​ട്ട നി​ല​യി​ൽ ക​ണ്ടെ​ത്തി​യ​ത്. നൂ​ര്‍ മു​ഹ​മ്മ​ദി​ന്‍റെ അ​മ്മ​യെ ഗു​രു​ത​ര പ​രി​ക്കു​ക​ളോ​ടെ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചി​രി​ക്കു​ക​യാ​ണെ​ന്നും പൊലീ​സ് വ്യ​ക്ത​മാ​ക്കി​യി​രു​ന്നു. ഹസീനയെയും മൂന്നു മക്കളെയും പ്രതി ആക്രമിക്കുന്നത് കണ്ട് തടയാനെത്തിയപ്പോഴാണ് ഹാജിറയ്ക്കും കുത്തേറ്റതെന്നും വയറ്റിൽ നിരവധി തവണ കുത്തേറ്റ ഹാജിറ വീട്ടിലെ ടോയ്ലറ്റിൽ അഭയം തേടുകയായിരുന്നുവെന്നും ഉഡുപ്പി പൊലീസ് വ്യക്തമാക്കി.

ടോയ്ലറ്റിന്‍റെ വാതിൽ അകത്ത് നിന്നും പൂട്ടിയ ഹാജിറ പൊലീസ് വന്നപ്പോഴും വാതിൽ തുറക്കാൻ ഭയപ്പെട്ടു. ഒടുവിൽ പോലീസ് ബലമായി വാതിൽ തുറന്ന് ഇവരെ ആശുപത്രിയിൽ എത്തിക്കുകയായിരുന്നു. ഹാജിറ ഇപ്പോഴും ഐസിയുവിലാണ്.സം​ഭ​വം പു​റം​ലോ​ക​മ​റി​ഞ്ഞ് മ​ണി​ക്കൂ​റു​ക​ൾ​ക്ക​കം ത​ന്നെ പ്ര​തി​യെ പ​റ്റി ല​ഭ്യ​മാ​യ സൂ​ച​ന​ങ്ങ​ൾ പൊ​ലീ​സ് ന​ൽ​കി​യി​രു​ന്നു. മാ​സ്‌​ക് ധ​രി​ച്ചെ​ത്തി​യ ആ​ളാ​ണ് കൊ​ല​യ്ക്ക് പി​ന്നി​ലെ​ന്നും ഇ​യാ​ള്‍​ക്ക് വേ​ണ്ടി​യു​ള്ള അ​ന്വേ​ഷ​ണം തു​ട​രു​ക​യാ​ണെ​ന്നും ഉ​ഡു​പ്പി എ​സ്പി അ​രു​ണ്‍ കു​മാ​ര്‍ പ​റ​ഞ്ഞു. കൃ​ത്യം ന​ട​ത്താ​നു​ള്ള കാ​ര​ണം വ്യ​ക്തി​വൈ​രാ​ഗ്യ​മാ​ണോ എ​ന്ന​ത് സം​ബ​ന്ധി​ച്ചും അ​ന്വേ​ഷ​ണം ന​ട​ക്കു​ന്നു​ണ്ട്. മാ​സ്ക് ധാ​രി​യാ​യ വ്യ​ക്തി ഓ​ട്ടോ​യി​ലാ​ണ് ഇ​വ​രു​ടെ വീ​ട്ടി​ലേ​ക്ക് വ​ന്ന​തെ​ന്നും പൊ​ലീ​സ് അ​റി​യി​ച്ചു. ഇ​യാ​ളെ കൊ​ണ്ടു​വി​ട്ട ഓ​ട്ടോ ഡ്രൈ​വ​ർ ശ്യാ​മി​ന്‍റെ മൊ​ഴി​യും രേ​ഖ​പ്പെ‌​ടു​ത്തി​യി​ട്ടു​ണ്ട്. പ്ര​തി​യെ​ന്ന് ക​രു​തു​ന്ന ആ​ളു​ടെ സി​സി​ടി​വി ദൃ​ശ്യ​ങ്ങ​ളും അ​ന്വേ​ഷ​ണ സം​ഘം പു​റ​ത്ത് വി​ട്ടു.

ഇ​യാ​ളെ ഹസീനയുടെ വീ​ട്ടിലാക്കി പ​തി​ന​ഞ്ച് മി​നി​ട്ടി​ന് ശേ​ഷം ഓ​ട്ടോ സ്റ്റാ​ൻ​ഡി​ന്‍റെ പ​രി​സ​ര​ത്ത് വ​ച്ച് വീ​ണ്ടും ക​ണ്ടു​മു​ട്ടി​യെ​ന്നും ഇ​ത്ര നേ​ര​ത്തെ തി​രി​കെ വ​രാ​നാ​യി​രു​ന്നു​വെ​ങ്കി​ൽ കാ​ത്തു നി​ൽ​ക്കാ​മാ​യി​രു​ന്നു​വെ​ന്നും അ​യാ​ളോ​ട് പ​റ​ഞ്ഞ​താ​യി ഓ​ട്ടോ ഡ്രൈ​വ​ർ പൊ​ലീ​സി​ന് മൊ​ഴി ന​ൽ​കി. ഇ​തി​ന് മ​റു​പ​ടി ന​ൽ​കാ​തെ അ​യാ​ൾ മ​റ്റൊ​രു ഓ​ട്ടോ​യി​ൽ ക​യ​റി പോ​കു​ക​യാ​യി​രു​ന്നു​വെ​ന്നും മൊ​ഴി​യി​ലു​ണ്ട്. ഹ​സീ​ന​യു​ടെ ഭ​ര്‍​ത്താ​വ് നൂ​ര്‍ മു​ഹ​മ്മ​ദ് സൗ​ദി അ​റേ​ബ്യ​യി​ലാ​ണ് ജോ​ലി ചെ​യ്യു​ന്ന​ത്. സം​ഭ​വം അ​റി​ഞ്ഞ​തി​ന് പി​ന്നാ​ലെ അ​ദ്ദേ​ഹം നാ​ട്ടി​ലേ​ക്ക് തി​രി​ച്ചി​ട്ടു​ണ്ടെ​ന്ന് ബ​ന്ധു​ക്ക​ള്‍ അ​റി​യി​ച്ചു.