കരിപ്പൂർ റൺവേ നവീകരണത്തിന് ടെൻഡറായി,നവീകരണം ഒരു മാസത്തിനകം തുടങ്ങും

കോഴിക്കോട് : കരിപ്പൂർ വിമാനത്താവളത്തിന്റെ റൺവേ നവീകരണത്തിന് ടെൻഡറായി. 322 കോടി രൂപക്ക് നിർമ്മാണം പൂർത്തിയാക്കുമെന്ന് ഗവാർ കൺസ്ട്രക്ഷൻ കമ്പനി എയർപോർട്ട് അതോറിറ്റിയെ അറിയിച്ചു. ഒരു മാസത്തിനകം റൺവേ നവീകരണ ജോലികൾ ആരംഭിക്കും .

റൺവേ സുരക്ഷ മേഖലയായ രിസയുടെ നീളം കൂട്ടുകയാണ് പ്രധാന ലക്ഷ്യം. ഇതിനായി പന്ത്രണ്ടര ഏക്കർ ഭൂമിയാണ് ഏറ്റെടുത്തത്. 19 മാസത്തിനകം കരാർ ജോലികൾ പൂർത്തീകരിക്കണമെന്നാണ് വ്യവസ്ഥ . വിമാനപകടത്തിന് പിന്നാലെയാണ് റൺവേ സുരക്ഷ മേഖലയുടെ നീളം കൂട്ടാൻ തീരുമാനിച്ചത്.റൺവേ നവീകണത്തിനായി ഭൂമി കൈമാറിയിട്ടും പണികൾ തുടങ്ങാത്തത് വിമർശനങ്ങൾക്ക് കാരണമായിരുന്നു. 7 കമ്പനികളാണ് ടെണ്ടറിൽ പങ്കെടുത്തത്. രാജസ്ഥാനിലെ ഗവാർ കൺസ്ട്രക്ഷൻ കമ്പനിക്കാണ് ടെണ്ടർ ലഭിച്ചത്.