മലയാളം ബോക്സ് ഓഫീസ് ഹിറ്റുകളുടെ പട്ടികയില്‍ നിന്നും ദൃശ്യം പുറത്ത്

പത്ത് വർഷങ്ങൾക്ക് ശേഷം മലയാളം ബോക്സ് ഓഫീസ് ഹിറ്റുകളുടെ പട്ടികയില്‍ നിന്നും മോഹൻലാൽ ചിത്രമായ ദൃശ്യം പുറത്ത് . ലിസ്റ്റില്‍ 10-ാം സ്ഥാനത്ത് ആയിരുന്ന ദൃശ്യത്തെ മമ്മൂട്ടി ചിത്രമായ കണ്ണൂര്‍ സ്ക്വാഡ് മറികടന്നതോടെയാണ് പട്ടിക പുതുക്കപ്പെട്ടത്. 63.8 കോടി ആയിരുന്നു ദൃശ്യത്തിന്‍റെ ലൈഫ് ടൈം കളക്ഷനെയാണ് കണ്ണൂര്‍ സ്ക്വാഡ് മറികടന്നിരിക്കുന്നത്. റിലീസ് ചെയ്ത് ദിവസങ്ങൾ മാത്രം പിന്നിടുമ്പോൾ ‘കണ്ണൂർ സ്‌ക്വാഡ്’ മലയാളത്തിലെ എക്കാലത്തെയും വിജയ ചിത്രങ്ങളുടെ പട്ടികയിലേക്ക് എത്തിയിരിക്കുകയാണ്. അതേസമയം 10 വര്‍ഷം വിജയ ചിത്രങ്ങളുടെ പട്ടികയില്‍ ദൃശ്യം നിലനിന്നു എന്നതും വലിയ നേട്ടമാണ്. കണ്ണൂർ സ്‌ക്വാഡിന്റെ പ്രദർശനം രണ്ടാം വാരത്തിലേക്കെത്തുമ്പോൾ മികച്ച നേട്ടമാണ് ചിത്രത്തിന്.