പ്രതിയെ പിടിക്കാന്‍ വീട്ടിലെത്തിയ പൊലീസിന് നേരെ പിതാവ് വെടിയുതിര്‍ത്തു
ലോകകപ്പ് 2023 : നിര്‍ണായക മത്സരത്തില്‍ ന്യൂസിലന്‍ഡിനെതിരെ പാകിസ്ഥാന് വിജയം
November 4, 2023
തെരഞ്ഞെടുപ്പ് കോഴക്കേസ് : ഈ മാസം 14ന് കെ സുരേന്ദ്രനെ ക്രൈം ബ്രാഞ്ച് ചോദ്യം ചെയ്യും
November 4, 2023
കണ്ണൂര്‍ : പ്രതിയെ പിടിക്കാന്‍ വീട്ടിലെത്തിയ പൊലീസിന് നേരെ പിതാവ് വെടിയുതിര്‍ത്തു. സംഭവത്തില്‍ ചിറയ്ക്കല്‍ സ്വദേശി ബാബു ഉമ്മനെ തോമസിനെ വളപട്ടണം പൊലീസ് അറസ്റ്റ് ചെയ്തു. വധശ്രമ കേസുമായി ബന്ധപ്പെട്ട് ബാബുവിന്റെ മകന്‍ റോഷനെ തിരക്കിയാണ് പൊലീസ് എത്തിയത്. എന്നാല്‍ വീടു വളഞ്ഞ പൊലീസിന് നേരെ ബാബു വെടിയുതിര്‍ക്കുകയായിരുന്നു.
അതേസമയം പൊലീസ് ഗുണ്ടകള്‍ക്കൊപ്പം വന്ന് വീടും കാറും നശിപ്പിച്ചെന്നാണ് കുടുംബത്തിന്റെ ആരോപണം. ഇന്നലെ രാത്രിയോടെ റോഷനെ അന്വേഷിച്ച് പൊലീസ് എത്തിയപ്പോള്‍ രണ്ടാം നിലയില്‍ നിന്നും ബാബു റിവോള്‍വര്‍ ഉപയോഗിച്ച് മൂന്ന് റൗണ്ട് വെടിവെച്ചുവെന്ന് പൊലീസ് എഫ്‌ഐആറില്‍ പറയുന്നു.
തലനാരിഴയ്ക്കാണ് പൊലീസുകാര്‍ രക്ഷപ്പെട്ടത്. പിന്നീട് ബലം പ്രയോഗിച്ചാണ് പൊലീസ് ബാബുവിനെ കീഴ്‌പ്പെടുത്തിയത്. പൊലീസ് വരുന്ന സമയത്ത് റോഷന്‍ വീട്ടിലുണ്ടായിരുന്നോ എന്നും പൊലീസ് സംശയിക്കുന്നുണ്ട്. പ്രതിക്കായി പൊലീസ് അന്വേഷണം ഊര്‍ജ്ജിതമാക്കിയിട്ടുണ്ട്.
