ബോം​ബ് സ്ഥാ​പി​ച്ച​ത് പ്ലാ​സ്റ്റി​ക് ക​വ​റു​ക​ളി​ൽ, ബോം​ബ് വെ​ച്ച​ത് ഭാ​ര്യാ​മാ​താ​വ് ഇ​രു​ന്ന സ്ഥ​ലം ഒ​ഴി​വാ​ക്കി​ : ഡൊ​മി​നി​ക്കി​ന്‍റെ മൊ​ഴി​പു​റ​ത്ത്

കൊ​ച്ചി: ക​ള​മ​ശേ​രി ക​ണ്‍​വെ​ന്‍​ഷ​ന്‍ സെ​ന്‍റ​ര്‍ സ്ഫോ​ട​ന​ക്കേ​സി​ലെ പ്ര​തി ഡൊ​മി​നി​ക്കി​ന്‍റെ മൊ​ഴി​പു​റ​ത്ത്. യ​ഹോ​വ സാ​ക്ഷി​ക​ളു​ടെ പ്രാ​ര്‍​ത്ഥ​നാ ഹാ​ളി​ല്‍ ഭാ​ര്യാ മാ​താ​വും ഉ​ണ്ടാ​യി​രു​ന്നു​വെ​ന്നും അ​വ​ര്‍ ഇ​രു​ന്ന സ്ഥ​ലം ഒ​ഴി​വാ​ക്കി​യാ​ണ് ബോം​ബ് വെ​ച്ച​തെ​ന്നും ഇ​യാ​ള്‍ പ​റ​ഞ്ഞു.ബോം​ബ് സ്ഥാ​പി​ച്ച​ത് പ്ലാ​സ്റ്റി​ക് ക​വ​റു​ക​ളി​ലാ​ണ്. സ്‌​ഫോ​ട​നശേ​ഷം വ്യാ​പ്തി കൂ​ടു​ന്ന​തി​നാ​ണ് ബോം​ബി​നൊ​പ്പം പെ​ട്രോ​ളും വ​ച്ച​തെ​ന്നും ഇ​യാ​ള്‍ വെ​ളി​പ്പെ​ടു​ത്തി. നാ​ല് ക​വ​റു​ക​ളി​ലാ​യി ബോം​ബ് സ്ഥാ​പി​ക്കു​ക​യാ​യി​രു​ന്നു​.

ടി​ഫി​ന്‍ ബോ​ക്‌​സി​ല്‍ അ​ല്ല ബോം​ബ് സ്ഥാ​പി​ച്ച​തെ​ന്നും ഡൊ​മി​നി​ക് മൊ​ഴി ന​ല്‍​കി. എ​ല്ലാ ക​വ​റു​ക​ളും ക​സേ​ര​യു​ടെ അ​ടി​ഭാ​ഗ​ത്താ​ണ് വ​ച്ച​ത്.ഫോ​ര്‍​മാ​നാ​യ​തി​നാ​ല്‍ സാ​ങ്കേ​തി​ക കാ​ര്യ​ങ്ങ​ളി​ല്‍ പ്ര​തി​ക്ക് വൈ​ദ​ഗ്ധ്യ​മു​ണ്ടെ​ന്നാ​ണ് പോ​ലീ​സ് ക​രു​തു​ന്ന​ത്. പ്ര​തി സ്‌​ഫോ​ട​ന​ത്തി​ന് ശേ​ഷം സു​ഹൃ​ത്തി​നെ ഫോ​ണി​ല്‍ വി​ളി​ച്ച് സം​സാ​രി​ച്ചി​രു​ന്നു. ഇ​യാ​ളെ ചോ​ദ്യം ചെ​യ്യാ​നാ​യി വി​ളി​ച്ചു​വ​രു​ത്തും.

ഡൊ­​മി­​നി­​ക് മാ​ര്‍­​ട്ടി​ന്‍ കു­​റ്റ­​സ​മ്മ­​ത­ വീ​ഡി​യോ ചി­​ത്രീ­​ക­​രി​ച്ച­​ത് ലോ­​ഡ്­​ജി​ല്‍­​വച്ചാണ് സ്‌­​ഫോ­​ട­​ന­​ത്തി­​ന് പി­​ന്നാ­​ലെ ഇ­​വി­​ടെ­​യെ​ത്തി­​യ പ്ര­​തി കൊ​ര­​ട്ടി മി­​റാ­​ക്കി​ള്‍ റ­​സി­​ഡ​ന്‍­​സി­​യി​ല്‍ മു­​റി­​യെ­​ടു­​ക്കു­​ക­​യാ­​യി­​രു­​ന്നു. പ­​ത്ത് മി­​നി­​റ്റ് മാ­​ത്ര­​മാ­​ണ് ഇ­​യാ​ള്‍ ഇ­​വി­​ടെ ചെ­​ല­​വ­​ഴി­​ച്ച­​തെ­​ന്ന് ലോ­​ഡ്­​ജി­​ലെ റി­​സ­​പ്­​ഷ­​നി­​സ്റ്റ് പ്ര­​തി­​ക­​രി​ച്ചു. ഇ­​വി­​ടെ​വ­​ച്ച് ചി­​ത്രീ­​ക­​രി​ച്ച വീ​ഡി­​യോ പി­​ന്നീ­​ട് ഫേ­​സ്­​ബു­​ക്കി​ല്‍ പോ­​സ്­​റ്റ് ചെ­​യ്യു­​ക­​യാ­​യി­​രു​ന്നു. ലോ­​ഡ്­​ജി​ല്‍­​നി­​ന്ന് ഇ­​റ​ങ്ങി­​യ ഇ­​യാ​ള്‍ കൊ​ട­​ക​ര പൊ​ലീ­​സ് സ്‌­​റ്റേ​ഷ­​നി​ല്‍ ചെ­​ന്ന് കീ­​ഴ­​ട­​ങ്ങു­​ക­​യാ­​യി­​രു­​ന്നെ­​ന്നാ­​ണ് വി­​വ​രം.

ക​ള​മ​ശേ​രി നെ​സ്റ്റി​നു സ​മീ​പം ഉ​ള്ള ക​ണ്‍​വെ​ന്‍​ഷ​ന്‍ സെ​ന്‍ററി​ല്‍ ഞാ​യ​റാ​ഴ്ച രാ​വി​ലെ 9.40ഓ​ടെ​യാ​ണ് സ്‌​ഫോ​ട​നം ന​ട​ന്ന​ത്. സ്‌​ഫോ​ട​ന​ത്തി​ല്‍ മൂ​ന്നു​പേ​ര്‍ മ​രി​ച്ചി​രു​ന്നു.എ​റ​ണാ​കു​ളം കു​റു​പ്പും​പ​ടി സ്വ​ദേ​ശി ല​യോ​ണ പൗ​ലോ​സ് (60), തൊ​ടു​പു​ഴ സ്വ​ദേ​ശി​യാ​യ കു​മാ​രി (53), മ​ല​യാ​റ്റൂ​ര്‍ ക​ടു​വ​ന്‍​കു​ഴി വീ​ട്ടി​ല്‍ പ്ര​ദീ​പ​ന്‍റെ മ​ക​ള്‍ ലി​ബി​ന(12) എ​ന്നി​വ​രാ​ണ് മ​രി​ച്ച​ത്. സ്‌​ഫോ​ട​ന​ത്തി​ല്‍ പ​രി​ക്കേ​റ്റ 51 പേ​ര്‍ ചി​കി​ത്സ​യി​ലു​ണ്ട്. ഇ​തി​ല്‍ 17 പേ​രു​ടെ നി​ല ഗു​രു​ത​ര​മാ​ണ്.