ഗ്രാ​ൻ​ഡ് സ്ലാം​ നമ്പർ 23: സ്വപ്ന നേട്ടത്തിലേക്ക് ജോക്കോ,  അൽക്കാരസിനെ വീഴ്ത്തി ഫ്രഞ്ച് ഓപ്പൺ ഫൈനലിൽ

പാരിസ്: 23-ാം ഗ്രാ​ൻ​ഡ് സ്ലാം ​കി​രീ​ ടത്തിലേക്ക് നൊ​വാ​ക് ജോ​ക്കാ​വി​ച്ചിന് ഇനി ഒ​രു പോ​രാ​ട്ടം കൂ​ടി മാ​ത്രം ബാ​ക്കി.  20 വയസുകാരനായ ലോക ഒന്നാം നമ്പര്‍ താരവും പുതിയ സെന്‍സേഷനുമായ കാര്‍ലോസ് അല്‍ക്കാരസിന്റെ വെല്ലുവിളി നാല് സെറ്റ് പോരാട്ടത്തില്‍ അവസാനിപ്പിച്ചാണ് ജോക്കോ ഫ്രഞ്ച് ഓപ്പൺ ഫൈനലിലേക്ക് മുന്നേറിയത്. ജോ​കോയുടെ ഏഴാം ഫൈനലാണ്‌. 2021ലും 2016ലും ചാമ്പ്യനായി.

റാഫേല്‍ നദാലിന്റെ അഭാവത്തില്‍ ജോക്കോ ഫൈനലിലെത്തിയതോടെ ഏറ്റവും കൂടുതല്‍ ഗ്രാന്‍ഡ് സ്ലാം കിരീടമെന്ന റെക്കോര്‍ഡ് സ്വന്തം പേരില്‍ ആക്കാനുള്ള അവസരവും സെര്‍ബിയന്‍ താരത്തിനു തുറന്നു കിട്ടി. നിലവില്‍ 22 കിരീടങ്ങളുമായി ജോക്കോവിചും നദാലും റെക്കോര്‍ഡ് പങ്കിടുകയാണ്. വാ​ശി​യേ​റി​യ പോ​രാ​ട്ട​മാ​കു​മെ​ന്ന് ടെ​ന്നീ​സ് പ്രേ​മി​ക​ൾ പ്ര​തീ​ക്ഷി​ച്ച മ​ത്സ​രം അ​ൽ​ക്കാ​ര​സി​ന്‍റെ പ​രി​ക്ക് മൂ​ലം പ​തി​ഞ്ഞ താ​ള​ത്തി​ലാ​ണ് നീ​ങ്ങി​യ​ത്.

തു​ല്യ​ത പാ​ലി​ച്ചു​പോ​ന്ന പോ​രാ​ട്ട​ത്തി​ലെ മൂ​ന്നാം സെ​റ്റി​ൽ സ്കോ​ർ 1-1 എ​ന്ന നി​ല​യി​ൽ നി​ൽ​ക്കെ​യാ​ണ് കാ​ലി​ലെ പ​രി​ക്ക് മൂ​ലം അ​ൽ​ക്കാ​ര​സ് ത​ള​ർ​ന്ന​ത്. ആ​ദ്യ സെ​റ്റ് തീ​രാ​ൻ ഏ​ക​ദേ​ശം ഒ​രു മ​ണി​ക്കൂ​റോ​ള​മെ​ടു​ത്ത മ​ത്സ​ര​ത്തി​ൽ പി​ന്നീ​ട് ജോ​ക്കോ​യു​ടെ സ​മ​ഗ്രാ​ധി​പ​ത്യ​മാ​യി​രു​ന്നു. മ​ത്സ​ര​ത്തി​ൽ ആ​കെ 12 ഗെ​യി​മു​ക​ൾ മാ​ത്ര​മാ​ണ് താ​രം വി​ട്ടു​കൊ​ടു​ത്ത​ത്.

ആദ്യ സെറ്റ് ജോക്കോവിച് അനായാസം നേടിയപ്പോള്‍ രണ്ടാം സെറ്റില്‍ കരുത്തോടെ പോരാടി അല്‍ക്കാരസ് തിരിച്ചെത്തി. എന്നാല്‍ മൂന്നും നാലും സെറ്റുകള്‍ ഒരു ചെറുത്തു നില്‍പ്പുമില്ലാതെ യുവ താരം അടിയറവ് വച്ചതോടെ ജോക്കോ അനായാസം വിജയിച്ചു.  സ്‌കോര്‍: 6-3, 7-5, 1-6, 1-6. തു​ട​ർ​ച്ച​യാ​യ ര​ണ്ടാം വ​ർ​ഷ​വും ഫ്ര​ഞ്ച് ഓ​പ്പ​ൺ ഫൈ​ന​ലി​ലേ​ക്ക് മു​ന്നേ​റി നോ​ർ​വെ​യു​ടെ കാ​സ്പ​ർ റൂ​ഡാണ് ഫൈനലിൽ ജോക്കോയുടെ എതിരാളി . മൂ​ന്നു സെ​റ്റ് നീ​ണ്ട സെ​മി ഫൈ​ന​ലി​ൽ ജ​ർ​മ​നി​യു​ടെ അ​ല്ക്സാ​ണ്ട​ർ സ്വ​രേ​വി​നെ ത​ക​ർ​ത്താ​ണ് റൂ​ഡ് ഫൈ​ന​ലി​ൽ പ്ര​വേ​ശി​ച്ച​ത്. സ്കോ​ർ: 6-3, 6-4, 6-0.ക​രി​യ​റി​ലെ ക​ന്നി ഗ്രാ​ൻ​സ്‌​ലാം കി​രീ​ട​മാ​ണു റൂ​ഡ് ല​ക്ഷ്യം​വ​യ്ക്കു​ന്ന​ത്.