വിജയവഴിയില്‍ തിരിച്ചെത്താന്‍ ബ്ലാസ്റ്റേഴ്സ് ഇന്ന് കൊച്ചിയില്‍; നാലാം അങ്കത്തില്‍ നോര്‍ത്ത് ഈസ്റ്റ് യുണൈറ്റഡിനെ നേരിടും
26 സര്‍ക്കാര്‍ ആശുപത്രികളില്‍ കാലാവധി കഴിഞ്ഞ മരുന്ന് വിതരണം ചെയ്തു; ഗുരുതര കണ്ടെത്തലുമായി സിഎജി
October 21, 2023
വയനാട്ടില്‍ ഭാര്യയെയും മകനെയും വെട്ടിക്കൊന്നു; ഗൃഹനാഥന്‍ ജീവനൊടുക്കി
October 21, 2023
കൊച്ചി: ഐഎസ്എല്ലില്‍ വിജയവഴിയില്‍ തിരിച്ചെത്താന്‍ കേരള ബ്ലാസ്റ്റേഴ്സ് ശനിയാഴ്ച ഇറങ്ങും. കൊച്ചി ജവഹര്‍ലാല്‍ നെഹ്‌റു സ്റ്റേഡിയത്തില്‍ നോര്‍ത്ത് ഈസ്റ്റ് യുണൈറ്റഡിനെ നേരിടും. രാത്രി എട്ടിനാണ് മത്സരം. നിലവില്‍ ആറു പോയിന്‍റുമായി പട്ടികയില്‍ നാലാം സ്ഥാനത്താണ് കേരള ബ്ലാസ്റ്റേഴ്സ്. നാല് പോയിന്‍റുമായി അഞ്ചാം സ്ഥാനത്താണ് നോര്‍ത്ത് ഈസ്റ്റ് യുണറ്റഡ്.
ആദ്യ എവേ മത്സരത്തിലേറ്റ തോല്‍വിയില്‍ നിന്ന് കരകയറണം എന്ന ലക്ഷ്യത്തോടെയാണ് ബ്ലാസ്റ്റേഴ്സ് ഇന്നിറങ്ങുക. ബ്ലാസ്റ്റേഴ്സ് കൊച്ചിയില്‍ നടന്ന ആദ്യ രണ്ട് മത്സരത്തിലും തോല്‍വിയറിഞ്ഞിട്ടില്ല. സീസണില്‍ ഒരു മത്സരം മാത്രമാണ് നോര്‍ത്ത് ഈസ്റ്റ് യുണൈറ്റഡ് വിജയിച്ചത്. ചുവപ്പു കാര്‍ഡ് കണ്ട് പുറത്തായ മിലോസ് ഡ്രിന്‍സിച്ചിന് മൂന്ന് മത്സരങ്ങളില്‍ കളിക്കാന്‍ സാധിക്കില്ല. പരിക്കിന്‍റെ പിടിയിലായ ഐബന്‍ ഡോഹ്ലിംഗും ബ്ലാസ്റ്റേഴ്സ് ടീമിലെത്തില്ല. പകരം സന്ദീപ് സിംഗും ഹോര്‍മി പാംഗും ആദ്യ ഇലവനില്‍ എത്താനാണ് സാധ്യത.പാര്‍ത്തിബ് ഗോഗോയും ഇബ്‌സണ്‍ മിലോയും നയിക്കുന്ന മുന്നേറ്റ നിരയിലാണ് നോര്‍ത്ത് ഈസ്റ്റിന്‍റെ പ്രതീക്ഷ.
