വന്ദേഭാരത് സ്ലീപ്പര് ട്രെയിൻ ടിക്കറ്റ് റീഫണ്ടിന് പുതിയ മാനദണ്ഡം പ്രഖാപിച്ച് ഐആർസിടിസി
ഗുരുദേവന് എന്ത് പറയരുതെന്ന് പറഞ്ഞോ അത് തന്നെയാണ് വെള്ളാപ്പള്ളി പറയുന്നത് : വിഡി സതീശന്
January 18, 2026
64-ാമത് സംസ്ഥാന സ്കൂള് കലോത്സവത്തിൽ സ്വർണക്കപ്പ് കണ്ണൂരിന്; തൃശൂർ രണ്ടാമത്
January 18, 2026
ന്യൂഡല്ഹി : ടിക്കറ്റ് റദ്ദാക്കാന് പുതിയ പരിഷ്കരണത്തിന് ഉത്തരവിട്ട് ഇന്ത്യന് റെയില്വെ. വന്ദേഭാരതിന്റെ സ്ലീപ്പര് ട്രെയിനുകള്ക്കാണ് ഇത് ബാധകം. ട്രെയിന് യാത്ര പുറപ്പെടുന്നതിന് 8 മണിക്കൂര് പോലുമില്ലാതെ ടിക്കറ്റ് റദ്ദാക്കിയാല് ഒരു രൂപ പോലും റീഫണ്ടായി ലഭിക്കില്ല. പുതുക്കിയ ഉത്തരവ് അനുസരിച്ച് ട്രെയിന് യാത്ര പുറപ്പെടുന്നതിന് 72 മണിക്കൂര് മുതല് 8 മണിക്കൂര് മുമ്പ് വരെ ടിക്കറ്റ് റദ്ദാക്കിയാല് 50 ശതമാനം കാന്സലേഷന് ചാര്ജായി ഈടാക്കും.
ഇതിന് മുമ്പ് കണ്ഫേം ടിക്കറ്റുകള്, ട്രെയിന് യാത്ര പുറപ്പെടുന്നതിന് 72 മണിക്കൂറിനിടയില് റദ്ദാക്കിയാല് 25 ശതമാനം കാന്സലേഷന് ചാര്ജ് ഇടാക്കിയതിന് ശേഷം ബാക്കി റീഫണ്ട് നല്കുന്നതായിരുന്നു. വന്ദേഭാരതിന്റെ സ്ലീപ്പര് ട്രെയിനുകളില് ആര്എസി ഉണ്ടാവില്ലെന്നും മിനിമം ചാര്ജ് ഈടാക്കുന്ന ദൂരം 400 കിലോമീറ്റര് ആയിരിക്കുമെന്ന് റെയില്വെ നേരത്തെ വ്യക്തമാക്കിയിരുന്നു.
രാജ്യത്തെ ആദ്യത്തെ വന്ദേഭാരത് സ്ലീപ്പര് ട്രെയിന് പ്രധാനമന്ത്രി നരേന്ദ്ര മോദി ഇന്നലെ ഫ്ളാഗ് ഓഫ് ചെയ്തിരുന്നു. ഗുവാഹത്തി-കൊല്ക്കത്ത റൂട്ടിലാണ് ഇന്ത്യയിലെ ആദ്യത്തെ വന്ദേഭാരത് സ്ലീപ്പര് ട്രെയിന് സര്വീസ് നടത്തുക. 11-3 ടയര് എസി കോച്ചുകള്, നാല് 2-ടയര് എസി കോച്ചുകള്, ഒരു ഫസ്റ്റ് എസി എന്നിങ്ങനെ 16 കോച്ചുകളാണ് വന്ദേഭാരത് സ്ലീപ്പര് ട്രെയിനുള്ളത്. ആകെ 823 യാത്രക്കാര്ക്ക് ഒരേ സമയം സഞ്ചരിക്കാനാകും.
