സെഞ്ച്വറിയുമായി ഗിൽ, ഗു​ജ​റാ​ത്ത് ടൈ​റ്റ​ൻ​സി​ന് 34 റ​ണ്‍സ് ജ​യം

അ​ഹ​മ്മ​ദാ​ബാ​ദ്: ഐ​പി​എ​ൽ ട്വ​ന്‍റി-20 മ​ത്സ​ര​ത്തി​ൽ സ​ണ്‍​റൈ​സേ​ഴ്സ് ഹൈ​ദ​രാ​ബാ​ദി​നെ​തി​രാ​യ മ​ത്സ​ര​ത്തി​ൽ ഗു​ജ​റാ​ത്ത് ടൈ​റ്റ​ൻ​സി​ന് 34 റ​ണ്‍​സി​ന്‍റെ വി​ജ​യം. പന്തു കൊണ്ടും ബാറ്റു കൊണ്ടും മികച്ച പ്രകടനമാണ് ഗുജറാത്ത് കാഴ്ച്ചവച്ചത്. 189 റൺസ് പിന്തുടർന്ന ഹൈദരാബാദിന്‍റെ പോരാട്ടം 154 റൺസിന് അവസാനിച്ചു.

ടോ​സ് ന​ഷ്ട​പ്പെ​ട്ട് ആ​ദ്യം ബാ​റ്റ് ചെ​യ്ത ഗു​ജ​റാ​ത്ത് ശു​ഭ്മാ​ൻ ഗി​ല്ലി​ന്‍റെ (101) സെ​ഞ്ചു​റി മി​ക​വി​ൽ നി​ശ്ചി​ത ഓ​വ​റി​ൽ ഒ​ൻ​പ​തു വി​ക്ക​റ്റ് ന​ഷ്ട​ത്തി​ൽ 189 റ​ണ്‍​സ് നേ​ടി. ഒ​രു സി​ക്സും 13 ഫോ​റും സ​ഹി​ത​മാ​യി​രു​ന്നു ഗി​ല്ലി​ന്‍റെ ഇ​ന്നിം​ഗ്സ്. സാ​യി സു​ദ​ർ​ശ​ൻ 47 റ​ണ്‍​സ് നേ​ടി. ഇ​രു​വ​രും ചേ​ർ​ന്ന് ര​ണ്ടാം വി​ക്ക​റ്റി​ൽ 147 റ​ണ്‍​സി​ന്‍റെ കൂ​ട്ടു​കെ​ട്ടു​ണ്ടാ​ക്കി.ഒ​രു ഘ​ട്ട​ത്തി​ൽ അ​നാ​യാ​സേ​ന 200 ക​ട​ക്കു​മെ​ന്ന തോ​ന്നി​പ്പി​ച്ച ഗു​ജ​റാ​ത്തി​നു അ​വ​സാ​ന ഓ​വ​റു​ക​ളി​ൽ തു​ട​ർ​ച്ച​യാ​യി വി​ക്ക​റ്റ് വീ​ണ​തു വി​ന​യാ​യി. അ​വ​സാ​ന ആ​റോ​വ​റി​ൽ എ​ട്ടു വി​ക്ക​റ്റ് ന​ഷ്ട​ത്തി​ൽ 40 റ​ണ്‍​സ് മാ​ത്ര​മാ​ണു ടൈ​റ്റ​ൻ​സി​നു നേ​ടാ​ൻ ക​ഴി​ഞ്ഞ​ത്. അ​വ​സാ​ന ഓ​വ​റി​ൽ നാ​ലു വി​ക്ക​റ്റ് വീ​ണു. ഹൈ​ദ​രാ​ബാ​ദി​നാ​യി ഭു​വ​നേ​ശ്വ​ർ കു​മാ​ർ അ​ഞ്ചു വി​ക്ക​റ്റ് വീ​ഴ്ത്തി.

മ​റു​പ​ടി ബാ​റ്റിം​ഗി​നി​റ​ങ്ങി​യ ഹൈ​ദ​രാ​ബാ​ദി​നാ​യി ഹെ​ന്‍റി​ച്ച് ക്ലാ​സെ​ൻ ഒ​ഴി​കെ ആ​ർ​ക്കും താ​ളം ക​ണ്ടെ​ത്താ​നാ​യി​ല്ല. ക്ലാ​സെ​ൻ 44 പ​ന്തി​ൽ 64 റൺ​സെ​ടു​ത്തു. ഐ​ഡ​ൻ മാ​ക്രം പ​ത്ത് റ​ണ്‍​സും ഭൂ​വ​നേ​ശ്വ​ർ കു​മാ​ർ 27ഉം ​മാ​യ​ങ്ക് മാ​ർ​ക്കണ്ടെ പു​റ​ത്താ​കാ​തെ 18 റ​ണ്‍​സും നേ​ടി. മ​റ്റാ​ർ​ക്കും ര​ണ്ട​ക്കം കാ​ണാ​ൻ ക​ഴി​ഞ്ഞി​ല്ല. ഗു​ജ​റാ​ത്തി​നാ​യി മു​ഹ​മ്മ​ദ് ഷ​മി​യും മോ​ഹി​ത് ശ​ർ​മ​യും നാ​ല് വി​ക്ക​റ്റ് വീ​തം വീ​ഴ്ത്തി.

അർബുദ പ്രതിരോധം 

പതിവിൽ നിന്നും വ്യത്യസ്തമായി ഗുജറാത്ത് ടൈറ്റൻസ് ഇന്ന് മത്സരത്തിന് ഇറങ്ങിയത് ലാവെൻഡർ നിറമുള്ള ജഴ്സിയിലാണ്. അർബുദത്തെക്കുറിച്ച് അവബോധം സൃഷ്ടിക്കുന്നതിനും പ്രതിരോധ പ്രവർത്തനങ്ങളെ പിന്തുണയ്ക്കുന്നതിനുമാണ് ഗുജറാത്ത് ഇന്ന് ലാവെൻഡർ നിറമുള്ള ജഴ്സി അണിഞ്ഞത്.