അടി, തിരിച്ചടി; സൗഹൃദ ഫുട്ബോളിൽ വമ്പൻമാർക്ക് സമനില

സാന്റിയാ​ഗോ ബെർണാബ്യൂവിൽ യുവതാരം എൻ‍‍ഡ്രിക് വരവറിയിച്ചു. ജൂണിൽ റയൽ മാഡ്രിഡിൽ ചേരുന്നതിന് മുമ്പ് ​ഗംഭീര അരങ്ങേറ്റം നടത്തി ഈ ബ്രസീലിയൻ വണ്ടർ കിഡ്. അവസാന നിമിഷം വരെ ആവേശം നിറഞ്ഞ മത്സരത്തിൽ ബ്രസീലും സ്പെയിനും മൂന്ന് ​ഗോളുകൾ നേടി. സ്പെയിനായി റോഡ്രി രണ്ടും ഡാനി ഒൽമോ ഒരു ​ഗോളും നേടി. ബ്രസീലിന്റെ മറ്റ് ​ഗോളുകൾ റോഡ്രി​ഗോയും ലൂക്കാസ് പക്വറ്റയും നേടി.

ഇന്നലെ നടന്ന മറ്റൊരു മത്സരത്തിൽ ഇം​ഗ്ലണ്ടും ബെൽജിയവും സമനില പാലിച്ചു. ഇരു ടീമുകളും രണ്ട് ​ഗോൾ വീതം നേടി. ഇഞ്ചുറി ടൈമിൽ ജൂ‍ഡ് ബെല്ലിങ്ഹാമിന്റെ ​ഗോളാണ് ഇം​ഗ്ലണ്ടിന് സമനില സമ്മാനിച്ചത്. അതേസമയം ഫോം തിരിച്ചു പിടിച്ച ജർമനി, നെതർലാൻഡ്സിനെ ഒന്നിനെതിരെ രണ്ട് ​ഗോളുകൾക്ക് പരാജയപ്പെടുത്തി. ഫ്രാൻസ് ചിലിയെ രണ്ടിനെതിരെ മൂന്ന് ​ഗോളുകൾക്ക് തോൽപ്പിച്ചപ്പോൾ പോർച്ചു​ഗലിനെ സ്ലൊവേനിയ എതിരില്ലാത്ത രണ്ട് ​ഗോളുകൾക്ക് അട്ടിമറിച്ചു. ക്രൊയേഷ്യ 4-2ന് ഈ‍ജിപ്തിനെ തോൽപ്പിച്ചു.