ഇന്ത്യയുടെ ലോകകപ്പ് യോ​ഗ്യത തുലാസിൽ; അഫ്​ഗാന് അട്ടിമറി ജയം

ഗുവാഹത്തി: ഇന്ത്യയുടെ ലോകകപ്പ് യോ​ഗ്യത പ്രതീക്ഷകൾക്ക് വിലങ്ങ് തടിയായി അഫ്​ഗാനോടേറ്റ അപ്രതീക്ഷിത തോൽവി. ​ഗുവാഹത്തിയിൽ നടന്ന മത്സരത്തിൽ ഒന്നിനെതിരെ രണ്ട് ​ഗോളുകൾക്കായിരുന്നു ഇന്ത്യയുടെ തോൽവി. 38ാം മിനുട്ടിൽ ക്യാപ്റ്റൻ സുനിൽ ഛേത്രിയിലൂടെ ഇന്ത്യയാണ് ആദ്യം മുന്നിലെത്തിയത്. ഛേത്രിയുടെ 150ാം മത്സരമായിരുന്നു ഇന്നലെ. പക്ഷേ ഇന്ത്യയുടെ പ്രതീക്ഷകളെ രണ്ടാം പകുതിയിലാണ് അഫ്​ഗാൻ തല്ലിക്കെടുത്തിയത്. ആരാധക പിന്തുണക്കിടയിലും അഫ്​ഗാൻ 70, 88 മിനുട്ടുകളിൽ ഇന്ത്യൻ പോസ്റ്റിൽ പന്തെത്തിച്ചു. ​ഗ്രൂപ്പിലെ ഇന്ത്യയുടെ രണ്ടാം തോൽവിയാണിത്.

​ഗ്രൂപ്പിൽ 12 പോയിന്റ് നേടിയ ഖത്തർ നേരത്തെ തന്നെ അടുത്ത ഘട്ടത്തിലേക്ക് യോ​ഗ്യത നേടിയിരുന്നു. നാല് പോയിന്റ് വീതമുള്ള ഇന്ത്യയും അഫ്​ഗാനുമാണ് രണ്ടും മൂന്നും സ്ഥാനങ്ങളിൽ. 3 പോയിന്റുള്ള കുവൈത്ത് അവസാന സ്ഥാനത്തും. അടുത്ത മത്സരങ്ങളിൽ കുവൈത്തിനെയും ഖത്തറിനെയും ഇന്ത്യക്ക് നേരിടാനുണ്ട്. ഈ മത്സരങ്ങളിൽ വിജയിച്ചാൽ ഇന്ത്യക്ക് അടുത്ത ഘട്ടത്തിലേക്ക് യോ​ഗ്യത നേടാം. തുടർച്ചയായ 5 മത്സരങ്ങൾക്ക് ശേഷമാണ് ഇന്ത്യ ഒരു മത്സരത്തിൽ ​ഗോൾ നേടുന്നത്.