‘ഇ​ന്ത്യ’​ സഖ്യത്തിന്‍റെ ഓൺലൈൻ യോഗം ഇന്ന്, നി​തീ​ഷ് കു​മാ​റി​നെ ക​ൺ​വീ​ന​റാ​ക്കി​യേ​ക്കു​മെ​ന്ന് സൂ​ച​ന

ന്യൂ​ഡ​ൽ​ഹി: ബീ​ഹാ​ർ മു​ഖ്യ​മ​ന്ത്രി​യും ജെ​ഡി​യു നേ​താ​വു​മാ​യ നി​തീ​ഷ് കു​മാ​റി​നെ പ്ര​തി​പ​ക്ഷ സ​ഖ്യ​മാ​യ ‘ഇ​ന്ത്യ’​യു​ടെ ക​ൺ​വീ​ന​റാ​യി പ്ര​ഖ്യാ​പി​ച്ചേ​ക്കു​മെ​ന്ന് റി​പ്പോ​ർ​ട്ട്. സ​ഖ്യ​ത്തി​ന്‍റെ അ​ധ്യ​ക്ഷ​നാ​യി കോ​ൺ​ഗ്ര​സ് ദേ​ശീ​യ അ​ധ്യ​ക്ഷ​ൻ മ​ല്ലി​കാ​ർ​ജ്ജു​ൻ ഖ​ർ​ഗ​യെ ചു​മ​ത​ല​പ്പെ​ടു​ത്തി​യേ​ക്കു​മെ​ന്നും റി​പ്പോ​ർ​ട്ട് ചൂ​ണ്ടി​ക്കാ​ട്ടു​ന്നു. എന്നാൽ ഇക്കാര്യത്തിൽ പ്രതിപക്ഷ സഖ്യത്തിന്‍റെ ഭാഗത്ത് നിന്നും സ്ഥിരീകരണം വന്നിട്ടില്ല.

ഇ​ന്ത്യ സ​ഖ്യ​ത്തി​ലെ നേ​തൃ​സ്ഥാ​നം സം​ബ​ന്ധി​ച്ച് സ്വ​ര​ച്ചേ​ർ​ച്ച​ക​ളു​ണ്ടെ​ന്ന വാ​ർ​ത്ത​ക​ൾ പു​റ​ത്ത് വ​ന്ന​തി​ന് പി​ന്നാ​ലെ​യാ​ണ് നേ​തൃ​സ്ഥാ​ന​ത്തേ​ക്ക് വ​രാ​ൻ സാ​ധ്യ​ത​യു​ള്ള​വ​രെ പ​റ്റി സൂ​ച​ന​യും വ​രു​ന്ന​ത്. ഇന്ന് സഖ്യത്തിന്‍റെ ഓൺലൈൻ യോഗം നടക്കും.നി​തീ​ഷ് കു​മാ​ർ‌ പ്ര​ധാ​ന​മ​ന്ത്രി​യാ​കാ​ന്‍ യോ​ഗ്യ​ത​യു​ള്ള വ്യ​ക്തി​യാ​ണെ​ന്ന് ബീ​ഹാ​റി​ലെ മു​തി​ര്‍​ന്ന നേ​താ​വും മ​ന്ത്രി​യു​മാ​യ മ​ദ​ന്‍ സാ​ഹ്നി പ​റ​ഞ്ഞ​തും ഏ​റെ ത​ർ​ക്ക​ങ്ങ​ൾ​ക്ക് വ​ഴി​വെ​ച്ചി​രു​ന്നു. ഇ​തോ​ടെ​യാ​ണ് നേ​തൃ​സ്ഥാ​നം സം​ബ​ന്ധി​ച്ച ച​ർ​ച്ച​ക​ളും സ​ജീ​വ​മാ​യ​ത്. കോ​ൺ​ഗ്ര​സി​ന് നി​യ​മ​സ​ഭാ തി​ര​ഞ്ഞെ​ടു​പ്പി​ലേ​റ്റ മ​ങ്ങ​ലും പ്ര​തി​പ​ക്ഷ നേ​തൃ​സ്ഥാ​നം ആ​ർ​ക്ക് വേ​ണ​മെ​ന്ന​ത് സം​ബ​ന്ധി​ച്ച ത​ർ​ക്കം ക​ടു​പ്പി​ച്ചു. മാ​ത്ര​മ​ല്ല നി​യ​മ​സ​ഭ തെ​ര​ഞ്ഞെ​ടു​പ്പ് ഫ​ല​ങ്ങ​ള്‍ വ​ന്ന​തോ​ടെ ഉ​ത്ത​രേ​ന്ത്യ​യി​ലെ ഏ​റ്റ​വും വ​ലി​യ പാ​ര്‍​ട്ടി ത​ങ്ങ​ളാ​ണെ​ന്നാ​ണ് അ​വ​കാ​ശ​പ്പെ​ട്ട് ആം ​ആ​ദ്മി​യും രം​ഗ​ത്തെ​ത്തി​യി​രു​ന്നു.