ക​ലാ​പം നി​യ​ന്ത്രി​ക്കു​ന്ന​തി​ൽ സ​ർ​ക്കാ​ർ പ​രാ​ജ​യം : മ​ണി​പ്പൂ​രി​ൽ പ്ര​മു​ഖ സി​നി​മാ​താ​രം ബി​ജെ​പി​യി​ൽ​ നി​ന്നു രാ​ജി​വ​ച്ചു

ഇം​ഫാ​ൽ : ക​ലാ​പം നി​യ​ന്ത്രി​ക്കു​ന്ന​തി​ൽ മ​ണി​പ്പു​ർ സ​ർ​ക്കാ​ർ പ​രാ​ജ​യ​മാ​ണെ​ന്ന് ആ​രോ​പി​ച്ച് പ്ര​മു​ഖ മ​ണി​പ്പൂ​രി ന​ട​ൻ രാ​ജ്കു​മാ​ർ കൈ​ക്കു (സോ​മേ​ന്ദ്ര) ബി​ജെ​പി​യി​ൽ​ നി​ന്നു രാ​ജി​വ​ച്ചു.

ക​ഴി​ഞ്ഞ ദി​വ​സം ര​ണ്ട് വി​ദ്യാ​ർ​ഥി​ക​ൾ കൂ​ടി മ​ണി​പ്പൂ​രി​ൽ കൊ​ല്ല​പ്പെ​ട്ട സാ​ഹ​ച​ര്യ​ത്തി​ലാ​ണ് രാ​ജ്കു​മാ​റി​ന്‍റെ രാ​ജി.

ര​ണ്ട് കു​ക്കി സി​നി​മ​ക​ളു​ൾ​പ്പെ​ടെ 400ലേ​റെ സി​നി​മ​ക​ളി​ൽ അ​ഭി​ന​യി​ച്ചി​ട്ടു​ള്ള രാ​ജ്കു​മാ​ർ ബി​ജെ​പി സം​സ്ഥാ​ന ഭാ​ര​വാ​ഹി​ക​ൾ​ക്ക് ബു​ധ​നാ​ഴ്ച രാ​ജി​ക്ക​ത്ത് കൈ​മാ​റി.

ഇം​ഫാ​ൽ വെ​സ്റ്റ് സ്വ​ദേ​ശി​യാ​യ രാ​ജ്കു​മാ​ർ 2019ലെ ​ലോ​ക്സ​ഭാ തി​ര​ഞ്ഞെ​ടു​പ്പി​ൽ സ്വ​ത​ന്ത്ര സ്ഥാ​നാ​ർ​ഥി​യാ​യി മ​ത്സ​രി​ച്ചി​ട്ടു​ണ്ട്. 2021 ന​വം​ബ​റി​ലാ​ണ് താ​രം ബി​ജെ​പി​യി​ൽ ചേ​ർ​ന്ന​ത്.

ക​ഴി​ഞ്ഞ വ​ർ​ഷം ന​ട​ന്ന നി​യ​മ​സ​ഭാ തി​ര​ഞ്ഞെ​ടു​പ്പി​ൽ ബി​ജെ​പി​ക്കാ​യി പ്ര​ചാ​ര​ണ​രം​ഗ​ത്ത് സ​ജീ​വ​മാ​യി​രു​ന്നു. തന്‍റെ പ്രഥമ പ​രി​ഗ​ണ​ന ജ​ന​ങ്ങ​ൾ​ക്കാ​ണെ​ന്നും പാ​ര്‍​ട്ടി ര​ണ്ടാ​മ​താ​ണെ​ന്നും രാ​ജ്കു​മാ​ർ രാ​ജി​ക്ക​ത്തി​ൽ വ്യ​ക്ത​മാ​ക്കി.

നാ​ലു മാ​സ​മാ​യി തു​ട​രു​ന്ന ക​ലാ​പം നി​യ​ന്ത്ര​ണ വി​ധേ​യ​മാ​ക്കാ​ൻ സ​ർ​ക്കാ​ർ ഫ​ല​പ്ര​ദ​മാ​യ ന​ട​പ​ടി ഇ​തു​വ​രെ സ്വീ​ക​രി​ച്ചി​ട്ടി​ല്ലെ​ന്നും രാ​ജ്കു​മാ​ർ പ​റ​ഞ്ഞു. അ​തേ​സ​മ​യം, രാ​ജ്കു​മാ​ർ തീരുമാനം പു​നഃ​പ​രി​ശോ​ധിത്തണമെന്നാണ് ബി​ജെ​പി നേ​താ​ക്ക​ളു​ടെ ആ​വ​ശ്യം.

ക​ലാ​പം തെ​ല്ലൊ​ന്നൊ​തു​ങ്ങി നി​ന്ന സാ​ഹ​ച​ര്യ​ത്തി​ലാ​ണ് വി​ദ്യാ​ർ​ഥി​ക​ളു​ടെ കൊ​ല​പാ​ത​ക വി​വ​രം പു​റ​ത്തെ​ത്തു​ന്ന​ത്. ഇ​തോ​ടെ വീ​ണ്ടും സം​ഘ​ർ​ഷം രൂ​ക്ഷ​മാ​വു​ക​യാ​യി​രു​ന്നു.

പ്ര​തി​ഷേ​ധ​ക്കാ​ർ തൗ​ബാ​ലി​ൽ ബി​ജെ​പി ഓ​ഫീ​സി​ന് തീ​യി​ടു​ക​യും മു​ഖ്യ​മ​ന്ത്രി​യു​ടെ വ​സ​തി​ക്കു മു​ന്നി​ൽ പോ​ലീ​സു​മാ​യി ഏ​റ്റു​മു​ട്ടു​ക​യും ചെ​യ്തു.

ഇ​തോ​ടെ ഇം​ഫാ​ൽ താ​ഴ്‌​വ​ര​യെ ഒ​ഴി​വാ​ക്കി മ​ണി​പ്പൂ​രി​ലെ മ​റ്റു പ്ര​ദേ​ശ​ങ്ങ​ളെ പ്ര​ശ്ന​ബാ​ധി​ത​പ്ര​ദേ​ശ​ങ്ങ​ളാ​യി സ​ർ​ക്കാ​ർ വീ​ണ്ടും പ്ര​ഖ്യാ​പി​ച്ചു.

സം​ഘ​ർ​ഷ പ്ര​ദേ​ശ​ങ്ങ​ളി​ൽ പ്ര​ത്യേ​ക സൈ​നി​കാ​ധി​കാ​ര​നി​യ​മം (അ​ഫ്സ്പ) അ​ടു​ത്ത ആ​റു മാ​സ​ത്തേ​ക്കു കൂ​ടി നീ​ട്ടി​യി​ട്ടു​ണ്ട്.