ഭാര്യയെ വെട്ടിക്കൊലപ്പെടുത്തി, ഭർത്താവിന്റെ മൃതദേഹം റെയിൽവേ ട്രാക്കിൽ, സംഭവം തൃശൂരിലെ കൊരട്ടിയിൽ   

തൃശൂർ:  ഭാര്യയെ വെട്ടിക്കൊലപ്പെടുത്തിയ ഭർത്താവിന്റെ മൃതദേഹം റെയിൽവേ ട്രാക്കിൽ. തൃശൂർ കൊരട്ടി സാൻജോ നഗറിലുള്ള  ഷീജയെ വെട്ടിക്കൊലപ്പെടുത്തിയ  ഭർത്താവ് ബിനുവിനെയാണ് ട്രെയിൻ തട്ടി മരിച്ച നിലയിൽ കണ്ടെത്തിയത്.

കൊരട്ടി കമ്യൂണിറ്റി ഹാളിന് പിൻവശത്തുള്ള റെയിൽവേ ട്രാക്കിലാണ് ഇയാളുടെ മൃതദേഹം കണ്ടെത്തിയത്. ഇന്ന് രാവിലെയാണ് സംഭവം.   ഷീജയെ വെട്ടിക്കൊലപ്പെടുത്തിയ ബിനു 11ഉം 8ഉം വയസ്സുള്ള കുട്ടികളെ വെട്ടിപ്പരിക്കേൽപിക്കുകയും ചെയ്തു. കുട്ടികളെ ​  ഗുരുതരപരിക്കുകളോടെ ആശുപത്രിയിൽ   പ്രവേശിപ്പിച്ചിരിക്കുകയാണ്. ഇതിൽ ആൺകുട്ടിയുടെ നില ​ഗുരുതരമാണ്. കൊലപാതകത്തിന് ശേഷം ഒളിവിൽ പോയ  ബിനുവിനായി പൊലീസ് തെരച്ചിൽ നടത്തുന്നതിനിടെയാണ് മൃതദേഹം കണ്ടെത്തിയത്.