പത്തനാപുരത്ത് യുവതിയുടെ മുഖത്ത് ആസിഡ് ഒഴിച്ച സംഭവത്തില്‍ ഭര്‍ത്താവ് അറസ്റ്റില്‍
സഹതാപ തരംഗം മുതലെടുക്കാൻ കോൺഗ്രസിന് വെപ്രാളം : കെ. സുരേന്ദ്രൻ
August 9, 2023
ആലുവയിൽ ട്രെയിനിൽ നിന്നു വീണു യുവാവിന് പരിക്ക്
August 9, 2023
കൊല്ലം : പത്തനാപുരത്ത് യുവതിയുടെ മുഖത്ത് ആസിഡ് ഒഴിച്ച സംഭവത്തില്‍ ഭര്‍ത്താവ് അറസ്റ്റില്‍. എടത്തറ സ്വദേശി സന്തോഷ് ആണ് അറസ്റ്റിലായത്. ഇന്നലെ വൈകിട്ടോടെയാണ് സംഭവം. മാങ്കോട് സ്വദേശിയായ ഇയാളുടെ ഭാര്യ ശോഭ ഒന്നരവര്‍ഷമായി ഇയാളില്‍ നിന്ന് അകന്നു കഴിയുകയായിരുന്നു. വീടിന് സമീപത്തുള്ള പറമ്പില്‍ പുല്ലു വെട്ടുകയായിരുന്ന ശോഭയുടെ നേര്‍ക്കാണ് സന്തോഷ് ആക്രമണം നടത്തിയത്. ശോഭയുടെ നിലവിളി കേട്ട് എത്തിയ അയല്‍വാസി മധുവിനെ ടാപ്പിംഗിന് ഉപയോഗിക്കുന്ന കത്തികൊണ്ട് സന്തോഷ് കുത്തിവീഴ്ത്തുകയും ചെയ്തു. ഭാര്യയ്ക്ക് പര പുരുഷബന്ധമുണ്ടെന്ന സംശയമാണ് ആക്രമണത്തിലേക്ക് നയിച്ചത്. ടാപ്പിംഗ് തൊഴിലാളിയായ ഇയാള്‍ റബര്‍ഷീറ്റിന് ഉറയൊഴിക്കുന്ന ആസിഡ് ഉപയോഗിച്ചാണ് കൃത്യം നിര്‍വഹിച്ചതെന്നും പൊലീസ് അറിയിച്ചു. മുഖത്തും കൈയ്ക്കും സാരമായി പൊള്ളലേറ്റ ശോഭ പാരിപ്പള്ളി മെഡിക്കല്‍ കോളജില്‍ ചികിത്സയിലാണ്.
