“തേ​ര്‍​ഡ് അം​പ​യ​ര്‍ തി​രി​കെ വി​ളി​ച്ചു’ , ഹീ​ത്ത് സ്ട്രീ​ക്കി​ന്‍റെ മ​ര​ണവാ​ര്‍​ത്തവ്യാജമെന്ന് മുൻ സിംബാബ്‌വെ ക്രിക്കറ്റർ ഹെന്റി ഒ​ലോം​ഗ

ഹ​രാ​രെ: സിം​ബാ​ബ്‌​വെ ക്രി​ക്ക​റ്റ് ഇ​തി​ഹാ​സം ഹീ​ത്ത് സ്ട്രീ​ക്കി​ന്‍റെ മ​ര​ണവാ​ര്‍​ത്ത വ്യ​ജം. അ​ദ്ദേ​ഹം ജീ​വി​ച്ചി​രി​പ്പു​ണ്ടെ​ന്ന് സഹ കളിക്കാരൻ കൂടിയായിരുന്ന ഹെ​ന്‍ററി ഒ​ലോം​ഗ സ്ഥി​രീ​ക​രി​ച്ചു. ഹീ​ത്ത് സ്ട്രീ​ക്കി​ന്‍റെ മ​ര​ണ​വാ​ര്‍​ത്ത അ​ഭ്യൂ​ഹം മാ​ത്ര​മാ​ണെ​ന്ന് അ​ദ്ദേ​ഹം സോ​ഷ്യ​ല്‍ മീ​ഡി​യ ആ​യ എ​ക്‌​സി​ല്‍ കു​റി​ച്ചു.

“തേ​ര്‍​ഡ് അം​പ​യ​ര്‍ തി​രി​കെ വി​ളി​ച്ചു’ എ​ന്ന അ​ടി​ക്കു​റി​പ്പോ​ടെ​യാ​ണ് ഒ​ലോം​ഗ ഇക്കാര്യം ട്വീ​റ്റ് ചെ​യ്ത​ത്. ഹീ​ത്ത് സ്ട്രീ​ക്കു​മാ​യി ന​ട​ത്തി​യ വാ​ട്‌​സ് ആ​പ്പ് സം​ഭാ​ഷ​ണ​ത്തി​ന്‍റെ ചി​ത്ര​വും ഒ​ലോം​ഗ പ​ങ്കു​വ​ച്ചു. നേ​ര​ത്തെ, ഇ​തി​ഹാ​സ താ​ര​ത്തി​ന്‍റെ മ​ര​ണ​വി​വ​ര​മ​റി​ഞ്ഞ് ലോ​ക​ത്തി​ന്‍റെ നാ​നാ​കോ​ണു​ക​ളി​ല്‍ നി​ന്നും അ​നു​ശോ​ച​നം എ​ത്തി​യി​രു​ന്നു. അ​ര്‍​ബു​ദ ബാ​ധി​ത​നാ​യി ചി​കി​ത്സ​യി​ലാ​ണ് സിം​ബാ​ബ്‌​വെ ദേ​ശീ​യ ടീ​മി​ന്‍റെ മു​ന്‍ നാ​യ​ക​നാ​യി​രു​ന്ന ഹീ​ത്ത് സ്ട്രീ​ക്ക്.

സിം​ബാ​ബ്‌​വെ‌​യു​ടെ ഏ​ക്കാ​ല​ത്തെ​യും മി​ക​ച്ച ഓ​ൾ​റൗ​ണ്ട​റാ​യി​രു​ന്ന സ്ട്രീ​ക്ക് 2005ലാ​ണ് രാ​ജ്യാ​ന്ത​ര ക്രി​ക്ക​റ്റി​ൽ നി​ന്ന് വി​ര​മി​ച്ച​ത്. സിം​ബാ​ബ്‌​വെ​യ്ക്കാ​യി 65 ടെ​സ്റ്റ് മ​ത്സ​ര​ങ്ങ​ളും 189 ഏ​ക​ദി​ന​ങ്ങ​ളും ക​ളി​ച്ചു. 4933 റ​ൺ​സും 455 വി​ക്ക​റ്റു​ക​ളും സ്വ​ന്ത​മാ​ക്കി. രാ​ജ്യാ​ന്ത​ര ക്രി​ക്ക​റ്റി​ൽ സിം​ബാ​ബ്‍​വെ​യ്ക്കാ​യി കൂ​ടു​ത​ൽ വി​ക്ക​റ്റ് നേ​ടി​യ​തി​ന്‍റെ റി​ക്കാ​ർ​ഡ് സ്ട്രീ​ക്കി​ന്‍റെ പേ​രി​ലാ​ണ്.

വി​ര​മി​ച്ച​തി​നു ശേ​ഷം പ​രി​ശീ​ല​ക വേ​ഷ​ത്തി​ലും സ​ജീ​വ​മാ​യി​രു​ന്നു. 2009-13 വ​രെ​യും 2016-18 വ​രെ​യും അ​ദ്ദേ​ഹം സിം​ബാ​ബ്‌​വെ​യു​ടെ പ​രി​ശീ​ല​ക​നാ​യി​രു​ന്നു. ബം​ഗ്ലാ​ദേ​ശി​നെ​യും ഐ​പി​എ​ലി​ൽ കോ​ല്‍​ക്ക​ത്ത നൈ​റ്റ് റൈ​ഡേ​ഴ്സി​നെ​യും പ​രി​ശീ​ലി​പ്പി​ച്ചി​ട്ടു​ണ്ട്.

I can confirm that rumours of the demise of Heath Streak have been greatly exaggerated. I just heard from him. The third umpire has called him back. He is very much alive folks. pic.twitter.com/LQs6bcjWSB— Henry Olonga (@henryolonga) August 23, 2023