കാക്കനാട് ശക്തമായ കാറ്റ് ; ബെവ്കോ ഔട്ട്‌ലെറ്റിൽ മദ്യക്കുപ്പികൾ താഴെ വീണു പൊട്ടിച്ചിതറി

കൊച്ചി : കാക്കനാട് ഇന്‍ഫോപാര്‍ക്കിന് സമീപം ശക്തമായ കാറ്റ്. ബെവ്‌കോ ഔട്ട്‌ലെറ്റില്‍ അലമാരകള്‍ മറിഞ്ഞു വീണ് 3000 മദ്യക്കുപ്പികള്‍ പൊട്ടി. ജീവനക്കാരും മദ്യം വാങ്ങാനെത്തിയവരും തലനാരിഴയ്ക്കാണ് രക്ഷപ്പെട്ടത്.ഇന്ന് വൈകുന്നേരം അഞ്ച് മണിയോടെയാണ് സംഭവം.

മഴയോടെകൂടിയ ശക്തമായ കാറ്റില്‍ ബെവ്‌കോയില്‍ മദ്യക്കുപ്പികള്‍ സൂക്ഷിച്ചിരുന്ന അലമാരയുടെ വശത്തെ ജനല്‍ അടന്നു വീണ് അലമാരയില്‍ തട്ടിയതോടെ അലമാര മറിയുകയായിരുന്നു. ആളുകള്‍ ഭിത്തിയോട് ചേര്‍ന്ന് നിന്നതിനാല്‍ വലിയ അപകടം ഒഴിവായി.