കാസര്‍കോട് ജില്ലയില്‍ ശക്തമായ മഴ; എന്‍എച്ച് 66ല്‍ പലയിടങ്ങളിലും മണ്ണിടിഞ്ഞു
ട്രംപിന് ആശ്വാസം; വിദേശരാജ്യങ്ങള്‍ക്ക് മേല്‍ തീരുവ ചുമത്തുന്നത് വിലക്കിയ നടപടിക്ക് സ്റ്റേ ചെയ്ത് അപ്പീല്‍ കോടതി
May 30, 2025
കെ മുരളീധരൻറെ അത്രയും ഗതികേട് ഉണ്ടായ ഒരു രാഷ്ട്രീയ നേതാവ് കേരളത്തില്‍ ഉണ്ടായിട്ടുണ്ടാകുമോ?: ഡോ. ജോ ജോസഫ്
May 30, 2025
കാസര്‍കോട് : കാസര്‍കോട് ജില്ലയില്‍ ശക്തമായ മഴയില്‍ റോഡ് ഇടിഞ്ഞ് ഗതാഗത തടസം. ജില്ലയിലെ ഉയര്‍ന്ന പ്രദേശങ്ങളില്‍ നിരവധി ഇടങ്ങളില്‍ മണ്ണിടിച്ചിലുണ്ടായി. ദേശീയ പാത 66 ന്റെ നിര്‍മാണത്തിലിരിക്കുന്ന പല ഭാഗങ്ങളിലും കുന്നിടിഞ്ഞ് മലവെള്ളം ഒഴുകുന്നതിനാല്‍ ഗതാഗത തടസം നേരിട്ടു.
ചട്ടഞ്ചാല്‍ തെക്കില്‍ വളവില്‍ കുന്നിടിഞ്ഞതിനാല്‍ വെള്ളിയാഴ്ച രാവിലെ മുതല്‍ ഇതുവഴിയുള്ള ഗതാഗതം നിരോധിച്ചിട്ടുണ്ട്. മലയോര ഹൈവേയില്‍ നന്ദാരപ്പദവ് -ചേവാര്‍ റൂട്ടില്‍ കനത്ത മഴയില്‍ മണ്ണിടിച്ചില്‍ തുടരുന്ന സാഹചര്യത്തില്‍ ഇതുവഴിയും ഗതാഗതം നിരോധിച്ചു. വാഹനങ്ങള്‍ മിയാപദവ് പൈവളികെ ഉപ്പള റൂട്ടില്‍ പോകേണ്ടതാണെന്ന് പൊതുമരാമത്ത് റോഡ്‌സ് വിഭാഗം അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു.
കാരിയങ്കോട്, ചന്ദ്രഗിരി, കുമ്പള പുഴകള്‍ കരകവിഞ്ഞൊഴുകുന്നതിനാല്‍ ചില ഭാഗങ്ങളില്‍ ആളുകള്‍ ബന്ധുവീടുകളിലേക്ക് മാറി താമസിക്കുകയോ, മാറ്റി പാര്‍പ്പിക്കുകയോ ചെയ്തിട്ടുണ്ട്. ജില്ലയില്‍ അതിതീവ്ര മഴ മുന്നറിയിപ്പുള്ളതിനാല്‍ വിദ്യാഭ്യാസ സ്ഥാപനങ്ങള്‍ക്ക് അവധിയാണ്.
