കണ്ണൂര്: കാലവര്ഷം തീവ്രമായ സാഹചര്യത്തില് കണ്ണൂര് ജില്ലയിലും തിങ്കളാഴ്ച വിദ്യാലയങ്ങള്ക്ക് അവധി പ്രഖ്യാപിച്ചു. ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും (അംഗനവാടി, ICSE/CBSE സ്്കൂളുകള്, മദ്രസകള് എന്നിവയടക്കം) തിങ്കളാഴ്ച അവധിയായിരിക്കുമെന്ന് കണ്ണൂര് ജില്ലാ കലക്ടര് അറിയിച്ചു.അവധി മൂലം നഷ്ടപ്പെട്ടന്ന പഠന സമയം ക്രമീകരിക്കുന്നതിന് ബന്ധപ്പെട്ട വിദ്യാഭ്യാസ സ്ഥാപന മേധാവികള് നടപടികള് സ്വീകരിക്കേണ്ടതാണ്.വിദ്യാര്ഥികളെ മഴക്കെടുതിയില് നിന്ന് അകറ്റി നിര്ത്തുന്നതിനുള്ള നിര്ദ്ദേശങ്ങള് നല്കേണ്ടതുമാണ്. തിങ്കളാഴ്ച നടത്താനിരുന്ന പി എസ് സി പരീക്ഷകള്ക്ക് മാറ്റമുണ്ടായിരിക്കുന്നതല്ലെന്നും ജില്ലാ കലക്ടറുടെ അറിയിപ്പില് പറയുന്നു.കോഴിക്കോടും വയനാടും നേരത്തെ തന്നെ അവധി പ്രഖ്യാപിച്ചിരുന്നു.