കനത്ത മഴ; പാലക്കാട് ഇന്ന് വിദ്യാലയങ്ങള്ക്ക് അവധി
സംസ്ഥാനത്ത് ഇന്നും ഒറ്റപ്പെട്ട മഴയ്ക്ക് സാധ്യത; മൂന്ന് ജില്ലകളിൽ ഓറഞ്ച് അലർട്ട്, ആറ് ജില്ലകളിൽ യെല്ലോ അലർട്ട്
August 19, 2025
റഷ്യ- യുക്രൈൻ വെടിനിർത്തൽ ധാരണയായില്ല; യുക്രൈന് ഭാവിയിൽ സുരക്ഷ ഉറപ്പാക്കും, ത്രികക്ഷി സമ്മേളനം നടത്തും
August 19, 2025
പാലക്കാട് : ശക്തമായ മഴ തുടരുന്ന സാഹചര്യത്തില് പാലക്കാട് ജില്ലയിലെ എല്ലാ വിദ്യാഭ്യാസ സ്ഥാപനങ്ങള്ക്കും ഇന്ന് ജില്ലാ കലക്ടര് അവധി പ്രഖ്യാപിച്ചു. അങ്കണവാടികള്, നഴ്സറികള്, കേന്ദ്രീയ വിദ്യാലയങ്ങള്, സിബിഎസ്ഇ, ഐസിഎസ്ഇ സ്കൂളുകള്, മദ്രസകള്, സ്വകാര്യ ട്യൂഷന് സെന്ററുകള് എന്നിവ ഉള്പ്പെടെയുള്ള സ്ഥാപനങ്ങള്ക്ക് അവധി ബാധകമാണ്.
കോളജുകള്, പ്രൊഫഷണല് കോളജുകള്, മുന്കൂട്ടി നിശ്ചയിച്ച പൊതു പരീക്ഷകള്, അഭിമുഖങ്ങള്, നവോദയ വിദ്യാലയം, റെസിഡന്ഷ്യല് രീതിയില് പഠനം നടത്തുന്ന മോഡല് റെസിഡന്ഷ്യല് സ്കൂളുകള് എന്നിവയ്ക്ക് അവധി ബാധകമല്ല. കനത്ത മഴയും കാറ്റും കാരണം പല സ്ഥലങ്ങളിലും വെള്ളക്കെട്ട് രൂപപ്പെട്ടതും കുട്ടികളുടെ സുരക്ഷ കണക്കിലെടുത്തും ദുരന്തസാഹചര്യം ഒഴിവാക്കുന്നതിനുള്ള മുന്കരുതല് നടപടിയുടെ ഭാഗമായാണ് അവധി പ്രഖ്യാപിച്ചത്.
