ഉയർന്ന താപനില : 3 ജില്ലകളിൽ സൂര്യാഘാത സാധ്യത കൂടുതൽ, 12 ജില്ലകളിൽ യെല്ലോ അലർട്ട് 

തിരുവനന്തപുരം:ഇന്നും നാളെയും കൊല്ലം,ആലപ്പുഴ ,കോട്ടയം ജില്ലകളിൽ താപനില 38 ഡിഗ്രി സെൽഷ്യസ് വരെ ഉയരും.തിരുവനന്തപുരം,പത്തനംതിട്ട , എറണാകുളം,കണ്ണൂർ ,കാസർഗോഡ് ജില്ലകളിൽ 37 ഡിഗ്രി വരെയും തൃശൂർ ,പാലക്കാട് ,മലപ്പുറം ,കോഴിക്കോട് ജില്ലകളിൽ 36 ഡിഗ്രി വരെയും താപനില ഉയരും. ഈ ജില്ലകളിൽ യെല്ലോ  അലർട്ടാണ്. കൊല്ലം,ആലപ്പുഴ,കോട്ടയം ജില്ലകളിൽ സൂര്യാഘാത സാദ്ധ്യത കൂടുതലാണ്.പകൽ 11 മുതൽ വൈകിട്ട് മൂന്നു വരെ നേരിട്ട് സൂര്യപ്രകാശം ഏൽക്കുന്നത് ഒഴിവാക്കണമെന്നും നിർദ്ദേശമുണ്ട്.