ബാറ്റിങ്ങിൽ തകർന്നടിഞ്ഞ് ​ഗുജറാത്ത്; അതിവേ​ഗം ലക്ഷ്യത്തിലെത്തി ഡൽഹി

അഹമ്മദാബാദ്: ഐപിഎല്ലില്‍ ഗുജറാത്ത് ടൈറ്റന്‍സിനെതിരെ ഡൽഹിക്ക് ആധികാരിക ജയം. ഗുജറാത്തിനെ 89 റണ്‍സിന് എറിഞ്ഞിട്ട ഡല്‍ഹി, 8.5 ഓവറില്‍ നാല് വിക്കറ്റ് നഷ്ടത്തില്‍ ലക്ഷ്യം കണ്ടു. ജെയ്ക് ഫ്രേസര്‍ മക്ഗ്രുക് (10 പന്തില്‍ 20), ഷായ് ഹോപ്പ് (10 പന്തില്‍ 19), ക്യാപ്റ്റന്‍ ഋഷഭ് പന്ത് (11 പന്തില്‍ 16*), അഭിഷേപ് പോറല്‍ (ഏഴു പന്തില്‍ 15) എന്നിവരുടെ അതിവേ​ഗ ബാറ്റിങ്ങാണ് വലിയ വിജയത്തിലേക്ക് ഡല്‍ഹിയെ എത്തിച്ചത്. ജയത്തോടെ ആറ് പോയന്റുമായി ഡല്‍ഹി ആറാം സ്ഥാനത്തെത്തി. ഗുജറാത്തിനായി മലയാളി താരം സന്ദീപ് വാര്യര്‍ രണ്ട് വിക്കറ്റ് വീഴ്ത്തി.

24 പന്തില്‍ നിന്ന് 31 റണ്‍സെടുത്ത റാഷിദ് ഖാന്റെ ഇന്നിങ്സാണ് ഗുജറാത്തിനെ വലിയ നാണക്കേടില്‍ നിന്ന് രക്ഷിച്ചത്. 12 റണ്‍സെടുത്ത സായ് സുദര്‍ശനും 10 റണ്‍സെടുത്ത രാഹുല്‍ തെവാട്ടിയയും മാത്രമാണ് റാഷിദിനെ കൂടാതെ രണ്ടക്കം കടന്നവര്‍. വൃദ്ധിമാന്‍ സാഹ (2), ക്യാപ്റ്റന്‍ ശുഭ്മാന്‍ ഗില്‍ (8), ഡേവിഡ് മില്ലര്‍ (2), അഭിനവ് മനോഹര്‍ (8), ഷാരൂഖ് ഖാന്‍ (0) എന്നതാണ് മറ്റ് സ്കോറർമാർ. മൂന്ന് വിക്കറ്റ് വീഴ്ത്തിയ മുകേഷ് കുമാറും രണ്ട് വിക്കറ്റുകള്‍ വീതം വീഴ്ത്തിയ ഇഷാന്ത് ശര്‍മയും ട്രിസ്റ്റന്‍ സ്റ്റബ്ബ്സും ചേര്‍ന്നാണ് ഗുജറാത്തിനെ തകര്‍ത്തത്. ഖലീല്‍ അഹമ്മദും അക്ഷര്‍ പട്ടേലും ഓരോ വിക്കറ്റ് വീതം വീഴ്ത്തി