വടക്കന് പറവൂരിൽ ഡിവൈഎഫ്ഐ നേതാവിന് നേരെ ഗുണ്ടാ ആക്രമണം
മുഖ്യമന്ത്രി വിഷയം പൊതുജനമധ്യത്തിലല്ല ചര്ച്ച ചെയ്യേണ്ടത് : കെസി വേണുഗോപാല്
April 16, 2026
വനിതാ സംവരണ ഭേദഗതി ബില് ലോക്സഭയില്; പ്രതിഷേധിച്ച് പ്രതിപക്ഷം
April 16, 2026
കൊച്ചി : എറണാകുളം വടക്കന് പറവൂര് ചിറ്റാറ്റുകരയില് ഡിവൈഎഫ്ഐ നേതാവിനു നേര്ക്ക് ഗുണ്ടാ ആക്രമണം. ഡിവൈഎഫ്ഐ മേഖലാ പ്രസിഡന്റ് ഷിയാസിനാണ് മര്ദ്ദനമേറ്റത്. കാപ്പാ കേസ് പ്രതി അടക്കം അഞ്ചുപേര് ചേര്ന്ന് മര്ദ്ദിച്ചുവെന്നാണ് പരാതി.
ഷിയാസിന്റെ സുഹൃത്തും പ്രതികളുമായി നേരത്തെ തര്ക്കങ്ങളുണ്ടായിരുന്നു. ഈ സംഭവത്തില് സുഹൃത്തിനെ മര്ദ്ദിച്ചത് പ്രതികളെ കണ്ടപ്പോള് ഷിയാസ് ചോദ്യം ചെയ്തു. ഇതില് പ്രകോപിതരായിട്ടാണ് ഷിയാസിനെ സംഘം മര്ദ്ദിച്ചത്.
ഷിയാസിന്റെ തലയ്ക്കാണ് പരിക്കേറ്റത്. താലൂക്ക് ആശുപത്രിയിലാണ് ഷിയാസിനെ ആദ്യം പ്രവേശിപ്പിച്ചത്. എന്നാല് പരിക്ക് ഗുരുതരമായതിനാല് വിദഗ്ധ ചികിത്സയ്ക്കായി സ്വകാര്യ ആശുപത്രിയിലേക്ക് മാറ്റി. പ്രതികള്ക്കായി പൊലീസ് അന്വേഷണം ഊര്ജ്ജിതമാക്കി.
