ബംഗാളിൽ ഗുഡ്സ് ട്രെയിനുകൾ കൂട്ടിയിടിച്ചു, 12 ബോ​ഗികൾ പാളം തെറ്റി

കൊൽക്കത്ത: പശ്ചിമ ബം​ഗാളിലെ ബങ്കുരയിൽ രണ്ട് ​ഗുഡ്സ് ട്രെയിനുകൾ കൂട്ടിയിടിച്ചു. ഇന്ന് പുലർച്ചെ നാല് മണിയോടെയാണ് അപകടം. 12 ബോ​ഗികൾ പാളം തെറ്റി. അപകടത്തെ തുടർന്നു ഖര​ഗ്പുർ- ബങ്കുര- ആ​ദ്ര പാതയിൽ ട്രെയിൻ ​ഗതാ​ഗതം നിർത്തിവച്ചു. 

ഒരു ട്രെയിനിലെ ലോക്കോ പൈലറ്റിനു പരിക്കുണ്ട്. മറ്റ് ആർക്കും പരിക്കേറ്റതായി വിവരങ്ങളില്ല. ഒണ്ട റെയിൽവേ സ്റ്റേഷനു സമീപമാണ് അപകടമുണ്ടായത്. ഒരു ​ഗുഡ്സ് ട്രെയിൻ മെയിൻ ലൈനിനു പകരം ലൂപ്പ് ലൈനിൽ പ്രവേശിച്ചതാണ് അപകട കാരണം. ട്രെയിൻ ലൂപ്പ് ട്രാക്കിലേക്ക് കടന്നപ്പോൾ ഈ ട്രാക്കിലുണ്ടായിരുന്ന മറ്റൊരു ചരക്കു വണ്ടിയിൽ ഇടിക്കുകയായിരുന്നു.