സംസ്ഥാനത്ത് സ്വർണവിലയിൽ ഇടിവ്, പവന് കുറഞ്ഞത് 280 രൂപ

കൊച്ചി: സംസ്ഥാനത്ത് സ്വർണവിലയിൽ ഇടിവ്. ഇന്ന് 22 കാരറ്റ് സ്വർണം പവന് 280 രൂപ കുറഞ്ഞ് 43,280 രൂപയായി. ​ഗ്രാമിന് 35 രൂപ കുറഞ്ഞ് 5,410 രൂപയായിട്ടുണ്ട്. ഇത് ഈ മാസത്തെ ഏറ്റവും കുറഞ്ഞ നിരക്കാണ്. 24 കാരറ്റ് സ്വർണം പവന് 304 രൂപ കുറഞ്ഞ് 47,216 രൂപയായി. ​ഗ്രാമിന് 38 രൂപ കുറഞ്ഞ് 5,902 രൂപയാണ് വിപണി വില.

ഈ മാസം ആദ്യം മുതൽ സ്വർണവില താഴേയ്ക്കാണ്. ഇന്ന് വെള്ളി വിലയിലും ഇടിവുണ്ടായിട്ടുണ്ട്. ​ഗ്രാമിന് 50 പൈസ കുറഞ്ഞ് 75.70 രൂപയും എട്ട് ​ഗ്രാമിന് നാലു രൂപ കുറഞ്ഞ് 605.60 രൂപയുമായി.അന്താരാഷ്ട്ര സ്വർണവിലയിലും ഇന്ന് ഇടിവ് രേഖപ്പെടുത്തി. ഔൺസിന് 1,893 യുഎസ് ഡോളറാണ് അന്താരാഷ്ട്ര മാർക്കറ്റിൽ ഈടാക്കുന്നത്. കേരളത്തിൽ ഉത്സവ സീസൺ ആരംഭിക്കുന്നതോ‌ടെ സ്വർണവിലയിൽ അൽപം ഉണർവുണ്ടാകുമെന്നാണ് വ്യാപാരികളുടെ പ്രതീക്ഷ.