ആഗോള അയ്യപ്പ സംഗമത്തിന് തുടക്കം; മുഖ്യമന്ത്രിയും വെള്ളാപ്പള്ളിയും എത്തിയത് ഒരേ കാറില്
അയ്യപ്പ സംഗമത്തിന് ആശംസകളുമായി യോഗി ആദിത്യനാഥ്
September 20, 2025
പാലക്കാട് നിന്ന് ട്രെയിന് യാത്രയ്ക്കിടെ കാണാതായ പതിമൂന്നുകാരനെ കണ്ടെത്തി
September 20, 2025
പത്തനംതിട്ട : തിരുവിതാംകൂര് ദേവസ്വം ബോര്ഡ് പ്ലാറ്റിനം ജൂബിലി ആഘോഷത്തിന്റെ ഭാഗമായി സംഘടിപ്പിക്കുന്ന ആഗോള അയ്യപ്പസംഗമത്തിന് മുഖ്യമന്ത്രി പിണറായി വിജയനും എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശനും എത്തിയത് ഒരേ കാറില്. മുഖ്യമന്ത്രിക്കൊപ്പം ഔദ്യോഗിക വാഹനത്തിലാണ് വെള്ളാപ്പള്ളി പമ്പയില് എത്തിയത്. ദേവസ്വം മന്ത്രി വിഎന് വാസവനും തിരുവിതാംകൂര് ദേവസ്വം ബോര്ഡ് പ്രസിഡന്റ് പിഎസ് പ്രശാന്തും മുഖ്യമന്ത്രിയെയും വെള്ളാപ്പള്ളിയെയും സ്വീകരിച്ചു.
ആഗോള അയ്യപ്പ സംഗമത്തിന് ശബരിമല തന്ത്രി ഭദ്രദീപം തെളിയിച്ചു. മന്ത്രി വി എന് വാസവന് അധ്യക്ഷനാകും. തമിഴ്നാട്ടില്നിന്നുള്ള മന്ത്രിമാരായ പി കെ ശേഖര് ബാബു, പളനിവേല് ത്യാഗരാജന് എന്നിവര്ക്കൊപ്പം കേരളത്തിലെ മന്ത്രിമാരും പങ്കെടുക്കും. കൈതപ്രം ദാമോദരന് നമ്പൂതിരിയുടെ ഭക്തിഗാനാലാപനത്തോടെ ഉദ്ഘാടന സമ്മേളനം ആരംഭിക്കും.
റവന്യു(ദേവസ്വം) വകുപ്പ് സെക്രട്ടറി എം ജി രാജമാണിക്യം സമീപനരേഖ അവതരിപ്പിക്കും. തുടര്ന്ന് സമാന്തര ചര്ച്ച. പകല് 12 മുതല് വിവിധ വേദികളില് ശബരിമല മാസ്റ്റര്പ്ലാന്, ആത്മീയ ടൂറിസം സര്ക്യൂട്ട്, ശബരിമലയിലെ ആള്ക്കൂട്ട നിയന്ത്രണവും തയ്യാറെടുപ്പുകളും എന്നീ വിഷയങ്ങളില് ഒരേസമയം ചര്ച്ചനടക്കും. പകല് രണ്ടുമുതല് വിജയ് യേശുദാസ് നയിക്കുന്ന സംഗീതപരിപാടി. 3.20ന് ചര്ച്ചകളുടെ സമാഹരണവും തുടര്ന്ന് പ്രധാനവേദിയില് സമാപനസമ്മേളനവും. ശേഷം പ്രതിനിധികള്ക്ക് ശബരിമല ദര്ശനം ഒരുക്കിയിട്ടുണ്ട്.
