മുന് റെയില്വേ മന്ത്രി മുകുള് റോയ് അന്തരിച്ചു
നിയമസഭാ തെരഞ്ഞെടുപ്പ് : പ്രാഥമിക ഒരുക്കങ്ങൾ ചർച്ച ചെയ്യാൻ എൽഡിഎഫ് യോഗം ഇന്ന് വൈകിട്ട് എകെജി സെന്ററിൽ
February 23, 2026
കഴിച്ച ഭക്ഷണത്തിന്റെ പണം ചോദിച്ചു; തൃക്കാക്കരയിൽ ഹോട്ടല് ഉടമയ്ക്കും ജീവനക്കാരനും യുവാക്കളുടെ ക്രൂരമർദനം
February 23, 2026
കൊല്ക്കത്ത : മുന് റെയില്വേ മന്ത്രിയും മുതിര്ന്ന രാഷ്ട്രീയ നേതാവുമായ മുകുള് റോയ് തിങ്കളാഴ്ച അന്തരിച്ചു. കൊല്ക്കത്തയിലെ ആശുപത്രിയില് പുലര്ച്ചെ ഒന്നരയോടെയായിരുന്നു അന്ത്യം. 73 വയസ്സായിരുന്നു. ദീര്ഘനാളായി വിവിധ രോഗങ്ങളാല് ചികിത്സയിലായിരുന്നു.
മമത ബാനര്ജിയുടെ അടുത്ത അനുയായിയായാണ് അദ്ദേഹം രാഷ്ട്രീയത്തില് ഉയര്ന്നുവന്നത്. 2009-ല് കേന്ദ്ര കപ്പല് ഗതാഗത സഹമന്ത്രിയായും, 2011 മുതല് 2012 വരെ റെയില്വേ മന്ത്രിയായും സേവനമനുഷ്ഠിച്ചിട്ടുണ്ട്. കൂടാതെ നഗരവികസന മന്ത്രാലയത്തിലും ചുമതലകള് വഹിച്ചിരുന്നു.
തൃണമൂൽ കോൺഗ്രസിന്റെ സ്ഥാപക നേതാവുകൂടിയായ മുകുൾ റോയ് 2017ൽ ബിജെപിയിലേക്ക് മാറിയിരുന്നു. 2019-ലെ നിയമസഭാ തെരഞ്ഞെടുപ്പില് മികച്ച പ്രകടനം കാഴ്ചവെക്കാന് ബിജെപിയെ സഹായിച്ചു.2020ൽ ബിജെപിയുടെ ദേശീയ വൈസ് പ്രസിഡന്റായി. 2021ലെ ബംഗാൾ നിയമസഭാ തെരഞ്ഞെടുപ്പിൽ ബിജെപി സ്ഥാനാർഥിയായി വിജയിച്ചു. എന്നാൽ, എംഎൽഎ സ്ഥാനം രാജിവയ്ക്കാതെ തൃണമൂൽ കോൺഗ്രസിൽ തിരിച്ചെത്തി.
