ഡോ. ​കെ. ക​സ്തൂ​രി​രം​ഗ​ന് ശ്രീലങ്കയിൽ വച്ച് ഹൃ​ദ​യാ​ഘാ​തം; ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു

ബം​ഗളൂരു: മുൻ ഐഎസ്ആർഒ ചെയർമാനും പ്രശസ്ത ശാസ്ത്ര‍ജ്ഞനുമായ ഡോ. കെ കസ്തൂരിരം​ഗനെ ഹൃദയാഘാതത്തെ തുടർന്നു ആശുപത്രിയിൽ പ്രവേശിപ്പിച്ചു. ശ്രീലങ്കയിൽ വച്ചാണ് അദ്ദേഹത്തിനു ​ഹൃദയാഘാതമുണ്ടായത്. ഉടൻ തന്നെ അദ്ദേ​ഹത്തെ ഹെലികോപ്റ്റർ മാർ​ഗം ബം​ഗളൂരുവിൽ എത്തിച്ചു. 

ബം​ഗളൂരുവിലെ നാരായണ ഹൃദയാലയത്തിലാണ് അദ്ദേഹത്തെ പ്രവേശിപ്പിച്ചത്. 83 കാരനായ അദ്ദേഹത്തിന്റെ ആരോ​ഗ്യ സ്ഥിതിയിൽ ആശങ്കപ്പെടാനില്ലെന്നു ഡോക്ടർമാർ വ്യക്തമാക്കി. ഒരു സ്വകാര്യ പരിപാടിക്കായാണ് അദ്ദേഹം ശ്രീലങ്കയിൽ എത്തിയത്. പ്രമുഖ ഹൃദ്രോ​ഗ വിദ​ഗ്ധൻ ഡോ. ദേവി ഷെട്ടിയുടെ നേതൃത്വത്തിലുള്ള ഡോക്ടർമാരുടെ സംഘത്തിന്റെ മേൽനോട്ടത്തിലാണ് ചികിത്സ.