സിപിഐഎം മുന് ദേവികുളം എംഎല്എ എസ് രാജേന്ദ്രന് ബിജെപിയിലേക്ക്; രാജീവ് ചന്ദ്രശേഖറുമായി ചര്ച്ച നടത്തി
കേരള ലത്തീന് മെത്രാന് സമിതിക്ക് പുതിയ നേതൃത്വം
January 10, 2026
കണ്ണൂര് ഗവ. മെഡിക്കല് കോളജില് പിതാവിന് കൂട്ടിരിക്കാന് വന്ന യുവാവ് ആശുപത്രി കെട്ടിടത്തില് നിന്ന് ചാടി ജീവനൊടുക്കി
January 10, 2026
തൊടുപുഴ : താന് ബിജെപിയില് ചേരുമെന്ന് സിപിഐഎം മുന് എംഎല്എ എസ് രാജേന്ദ്രന്. ബിജെപി നേതാക്കളുടെ സൗകര്യാര്ഥം ഉടന് മൂന്നാറില് നടക്കുന്ന ചടങ്ങില് തന്റെ പാര്ട്ടി പ്രവേശനം നടക്കുമെന്നും എസ് രാജേന്ദ്രന് പറഞ്ഞു. കഴിഞ്ഞദിവസം തിരുവനന്തപുരത്ത് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറുമായി എസ് രാജേന്ദ്രന് ചര്ച്ച നടത്തിയിരുന്നു. ഇതിന് പിന്നാലെയാണ് ബിജെപിയില് അംഗത്വമെടുക്കാന് തീരുമാനിച്ച കാര്യം രാജേന്ദ്രന് തുറന്നുപറഞ്ഞത്.
കഴിഞ്ഞ തെരഞ്ഞെടുപ്പില്, എല്ഡിഎഫ് സ്ഥാനാര്ഥിയായിരുന്ന എ രാജയെ തോല്പിക്കാന് ശ്രമിച്ചുവെന്നാരോപിച്ചു പാര്ട്ടിയില്നിന്നു രാജേന്ദ്രനെ സസ്പെന്ഡ് ചെയ്തിരുന്നു. തുടര്ന്ന് സിപിഐഎമ്മുമായി ഇടഞ്ഞുനില്ക്കുകയായിരുന്നു അദ്ദേഹം. സസ്പെന്ഷന് കാലാവധി അവസാനിച്ചിട്ടും തിരികെ പാര്ട്ടിയില് പ്രവേശിപ്പിക്കാതിരുന്നതോടെ വിവാദങ്ങള് ഉയര്ന്നിരുന്നു. ബിജെപി അംഗത്വമെടുത്താലും അടുത്ത നിയമസഭാ തെരഞ്ഞെടുപ്പില് ദേവികുളം മണ്ഡലത്തില് മത്സരിക്കില്ലെന്നും അദ്ദേഹം പറഞ്ഞു.
തദ്ദേശ തെരഞ്ഞെടുപ്പില് ബിജെപി സ്ഥാനാര്ഥികള്ക്കായി രാജേന്ദ്രന് വോട്ടഭ്യര്ത്ഥിച്ചത് വാര്ത്തയായിരുന്നു. ഇടമലക്കുടി, ദേവികുളം ഉള്പ്പെടെയുള്ള തോട്ടം മേഖലയിലായിരുന്നു രാജേന്ദ്രന് വോട്ടു തേടിയിറങ്ങിയത്. സിപിഐഎമ്മുമായി കഴിഞ്ഞ നാലുവര്ഷമായി അകന്ന് നില്ക്കുകയായിരുന്നു രാജേന്ദ്രന്. 15 വര്ഷം സിപിഐഎം എംഎല്എ ആയിരുന്നു എസ് രാജേന്ദ്രന്.
