നവീന്ബാബു കേസ് അന്വേഷിച്ച മുന് എസിപി കണ്ണൂരില് സിപിഐഎം സ്ഥാനാര്ത്ഥി
തദ്ദേശ തെരഞ്ഞെടുപ്പ് : കോഴിക്കോട് കോർപ്പറേഷനിലെ യുഡിഎഫ് സ്ഥാനാര്ഥിയായി സംവിധായകന് വിഎം വിനു
November 13, 2025
ബിഹാര് ജനവിധി ഇന്നറിയാം; പ്രതീക്ഷയോടെ മുന്നണികള്
November 14, 2025
കണ്ണൂര് : എഡിഎം നവീന്ബാബുവിന്റെ മരണവുമായി ബന്ധപ്പെട്ട കേസ് അന്വേഷിച്ച പൊലീസ് മുന് അസിസ്റ്റന്റ് കമ്മീഷണര് സിപിഐഎം സ്ഥാനാര്ത്ഥി. കണ്ണൂര് മുന് എസിപി ടി കെ രത്നകുമാര് ആണ് മത്സരരംഗത്തുള്ളത്. ശ്രീകണ്ഠാപുരം നഗരസഭയിലെ കോട്ടൂര് വാര്ഡില് നിന്നാണ് രത്നകുമാര് മത്സരിക്കുന്നത്.
നവീന്ബാബുവിന്റെ മരണത്തില് സിപിഐഎം നേതാവ് പി പി ദിവ്യയെ പ്രതിയാക്കി കേസെടുത്ത് അന്വേഷണം നടത്തിയപ്പോള്, അന്വേഷണത്തിന് മേല്നോട്ടം വഹിച്ചത് അന്ന് എസിപിയായിരുന്ന രത്നകുമാറാണ്. അന്വേഷണത്തില് അട്ടിമറിയുണ്ടായെന്നും, പക്ഷപാതിത്വത്തോടെയാണ് അന്വേഷണം നടത്തിയതെന്നും നവീന് ബാബുവിന്റെ കുടുംബം ആരോപിച്ചിരുന്നു.
കേസില് കുറ്റപത്രം സമര്പ്പിച്ചതിന് പിന്നാലെയാണ് രത്നകുമാര് സര്വീസില് നിന്നും വിരമിച്ചത്. സിപിഐഎം കുടുംബത്തില് നിന്നുള്ള ആളാണ് താനെന്നും, അടുത്ത ദിവസം തന്നെ പ്രചാരണത്തിന് ഇറങ്ങുമെന്നും ടി കെ രത്നകുമാര് സൂചിപ്പിച്ചു. സിപിഐഎമ്മിന് വളരെ ശക്തമായ വേരോട്ടമുള്ള വാര്ഡാണ് രത്നകുമാര് മത്സരിക്കുന്ന കോട്ടൂര് വാര്ഡ്.
