വിദ്യ രണ്ടു ദിവസം പൊലീസ് കസ്റ്റഡിയില്
യൂട്യൂബര് തൊപ്പിക്കെതിരെ പൊലീസ് കേസ്
June 22, 2023
മണിപ്പൂര് കലാപം സര്വകക്ഷി യോഗം വിളിച്ച് കേന്ദ്രസര്ക്കാര്
June 22, 2023
പാലക്കാട് : മഹാരാജാസ് കോളജിന്റെ പേരില് വ്യാജ തൊഴില് പരിചയ സര്ട്ടിഫിക്കറ്റ് കാണിച്ച് വിവിധ കോളജുകളില് അധ്യാപക ജോലിക്ക് ശ്രമിച്ചെന്ന കേസില് അറസ്റ്റിലായ കെ വിദ്യയെ കോടതി രണ്ടു ദിവസം പൊലീസ് കസ്റ്റഡിയില് വിട്ടു. വിദ്യയുടെ ജാമ്യാപേക്ഷ മണ്ണാര്ക്കാട് കോടതി ശനിയാഴ്ച പരിഗണിക്കും. വിദ്യയെ രണ്ടു ദിവസത്തെ കസ്റ്റഡിയില് വേണമെന്ന ആവശ്യമാണ് പൊലീസ് ഉന്നയിച്ചത്. വിദ്യയുടെ അഭിഭാഷകന് ഇതിനെ എതിര്ത്തു. ഭീകരവാദികളെ കൈകാര്യം ചെയ്യുന്നതു പോലെയാണ് വിദ്യയെ പൊലീസ് കൈകാര്യം ചെയ്യുന്നതെന്നും ഒരു ദിവസത്തെ കസ്റ്റഡി മാത്രമേ അനുവദിക്കാവൂ എന്നും അഭിഭാഷകന് ആവശ്യപ്പെട്ടു. എന്നാല് വ്യാജ രേഖ സംബന്ധിച്ച് കൂടുതല് വിവരങ്ങള് വിദ്യയില്നിന്നു ലഭ്യമാക്കേണ്ടതുണ്ടെന്ന പൊലീസ് വാദം കോടതി അംഗീകരിച്ചു.
