ഹരിയാനയിൽ അണക്കെട്ട് തുറന്നു, ഡൽഹിയിൽ പ്രളയ മുന്നറിയിപ്പ്

 ന്യൂഡൽഹി: കനത്തമഴയെ തുടർന്ന് നഗരത്തിൽ പ്രളയ മുന്നറിയിപ്പ് നൽകി ഡൽഹി സർക്കാർ. യമുനാ നദിയിലേക്ക് ഹരിയാന ഹത്നികുണ്ഡ് അണക്കെട്ടില്‍ നിന്ന് ഒരു ലക്ഷം ക്യുസെക്സ് വെള്ളം തുറന്നുവിട്ടതിന് പിന്നാലെയാണ് പ്രളയ മുന്നറിയിപ്പ് നൽകിയിരിക്കുന്നത്.

വെള്ളപ്പൊക്ക സാധ്യതയുള്ള മേഖലയിലും നദീ തീരങ്ങളിൽ താമസിക്കുന്നവർക്കും അധികൃതർ ജാഗ്രതാ നിർദേശം നൽകി. കനത്ത മഴ തുടരുന്ന സാഹചര്യത്തില്‍ മുഖ്യമന്ത്രി അരവിന്ദ് കേജരിവാൾ ഡൽഹിയിൽ തിങ്കളാഴ്ച മുതിര്‍ന്ന ഉദ്യോഗസ്ഥരുടെ യോഗം വിളിച്ചിട്ടുണ്ട്. ക​ഴി​ഞ്ഞ ര​ണ്ട് ദി​വ​സ​ങ്ങ​ളാ​യി ഡ​ൽ​ഹി, ഹ​രി​യാ​ന, ഹി​മാ​ച​ൽ പ്ര​ദേ​ശ്, ഉ​ത്ത​രാ​ഖ​ണ്ഡ്, രാ​ജ​സ്ഥാ​ൻ, പ​ഞ്ചാ​ബ്, ജ​മ്മു-​കാ​ഷ്മീ​ർ സം​സ്ഥാ​ന​ങ്ങ​ളി​ൽ പെ​യ്യു​ന്ന അ​തി​ശ​ക്ത​മാ​യ മ​ഴ​യി​ൽ നി​ര​വ​ധി മ​ര​ണ​ങ്ങ​ളും റി​പ്പോ​ർ​ട്ട് ചെ​യ്തി​ട്ടു​ണ്ട്.

ഡ​ൽ​ഹി​യി​ൽ ക​ഴി​ഞ്ഞ ഒ​രു ദി​വ​സ​ത്തി​ൽ 15.3 സെ​ന്‍റി​മീ​റ്റ​ർ മ​ഴ​യാ​ണ് രേ​ഖ​പ്പെ​ടു​ത്തി​യ​തെ​ന്നും മ​ണ്‍സൂ​ണ്‍ കാ​ല​ത്ത് ആ​കെ പെ​യ്യേ​ണ്ട മ​ഴ​യു​ടെ 15 ശ​ത​മാ​ന​വും വെ​റും 12 മ​ണി​ക്കൂ​റി​ലാ​ണ് പെ​യ്ത​തെ​ന്നും മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ൾ ട്വീ​റ്റ് ചെ​യ്തിരുന്നു.പ​ടി​ഞ്ഞാ​റ​ൻ കാ​റ്റും മ​ണ്‍സൂ​ണ്‍ കാ​റ്റും ത​മ്മി​ലു​ള്ള പ്ര​തി​പ്ര​വ​ർ​ത്ത​ന​മാ​ണ് ഡ​ൽ​ഹി ഉ​ൾ​പ്പെ​ടെ​യു​ള്ള വ​ട​ക്കു​പ​ടി​ഞ്ഞാ​റ​ൻ ഇ​ന്ത്യ​യി​ൽ തീ​വ്ര​മാ​യ മ​ഴ​യ്ക്കു കാ​ര​ണം. മ​ഴ​യ്ക്കു സാ​ധ്യ​ത​യു​ള്ള​തി​നാ​ൽ ഡ​ൽ​ഹി​യി​ൽ യെ​ല്ലോ അ​ല​ർ​ട്ട് പ്ര​ഖ്യാ​പി​ച്ചി​ട്ടു​ണ്ട്.