വോട്ടര്‍ പട്ടികയില്‍ പേര് ചേര്‍ക്കാന്‍ അഞ്ചുദിവസം കൂടി
110 ദിവസം കൊണ്ട് പേടകം എല്‍ 1ല്‍, ആദിത്യ എല്‍ 1 ഭൂമിയുടെ ഭ്രമണപഥം വിട്ടുവെന്ന് ഐഎസ്ആര്‍ഒ
September 19, 2023
ബജറ്റ് തുക അജ്ഞാതമായ ആവശ്യങ്ങൾക്ക് വകമാറ്റിയതെന്തിന് ? കാൽലക്ഷം കോടി എവിടെപ്പോയി? കേന്ദ്രസർക്കാരിനോട് ചോദ്യവുമായി സി.എ.ജി
September 19, 2023
തിരുവനന്തപുരം: കേരളത്തിലെ തദ്ദേശ സ്ഥാപനങ്ങളുടെ വോട്ടര്‍ പട്ടികയില്‍ പേര് ചേര്‍ക്കാന്‍ സെപ്റ്റംബര്‍ 23 വരെ അവസരം. 2023 ജനുവരി ഒന്നിനോ അതിന് മുന്‍പോ 18 വയസ് പൂര്‍ത്തിയായവര്‍ക്കാണ് അവസരമെന്നും സംസ്ഥാന തെരഞ്ഞെടുപ്പ് കമ്മീഷന്‍റെ അറിയിപ്പിലുണ്ട്.കമ്മീഷന്‍റെ ഔദ്യോഗിക വെബ്‌സൈറ്റായ www.sec.kerala.gov.in വഴി വോട്ടര്‍ പട്ടികയില്‍ പേരു ചേര്‍ക്കാന്‍ സാധിക്കും.
തിരുത്തലുകള്‍ വരുത്തുന്നതിനും വോട്ടര്‍ പട്ടികയില്‍ നിന്നും ഒഴിവാക്കുന്നതിനുമുള്ള ഓപ്ഷനും വെബ്‌സൈറ്റിലുണ്ട്.അക്ഷയ-ജനസേവന കേന്ദ്രങ്ങള്‍ക്ക് ഏജന്‍സി രജിസ്‌ട്രേഷന്‍ വഴിയും വ്യക്തികള്‍ക്ക് സിറ്റിസണ്‍ രജിസ്‌ട്രേഷന്‍ വഴിയും വെബ്‌സൈറ്റില്‍ രജിസ്റ്റര്‍ ചെയ്യാന്‍ സൗകര്യമുണ്ട്. സെപ്റ്റംബര്‍ എട്ടിന് കമ്മീഷന്‍ കരട് വോട്ടര്‍ പട്ടിക പ്രസിദ്ധീകരിച്ചിരുന്നു.ഇതനുസരിച്ച് 941 ഗ്രാമ പഞ്ചായത്തുകളിലായി 2,15,63916 വോട്ടര്‍മാരുണ്ട്. 87 നഗരസഭകളിലായി 36,51,931 വോട്ടര്‍മാരും 6 കോര്‍പ്പറേഷനുകളിലായി 24,54,689 വോട്ടര്‍മാരുണ്ടെന്നും പട്ടിക വ്യക്തമാക്കുന്നു.
