നിഖിലിന്റെ എംകോം രജിസ്‌ട്രേഷൻ റദ്ദാക്കി, ബികോം സ​ര്‍​ട്ടി​ഫി​ക്ക​റ്റ് വ്യാ​ജ​മെ​ന്ന് ക​ലിം​ഗ സ​ര്‍​വ​ക​ലാ​ശാ​ലയുടെ ഔദ്യോഗിക അറിയിപ്പ്

തി​രു​വ​ന​ന്ത​പു​രം: വ്യാ​ജ സ​ർ​ട്ടി​ഫി​ക്ക​റ്റ് ന​ൽ​കി എം​കോ​മി​ന് പ്ര​വേ​ശ​നം നേ​ടി​യ സം​ഭ​വ​ത്തി​ല്‍ എ​സ്എ​ഫ്‌​ഐ നേ​താ​വ് നി​ഖി​ല്‍ തോ​മ​സി​ന്‍റെ ര​ജി​സ്ട്രേ​ഷ​ൻ റ​ദ്ദാ​ക്കി. കേ​ര​ള സ​ർ​വ​ക​ലാ​ശാ​ല ന​ൽ​കി​യ തു​ല്യ​ത സ​ർ​ട്ടി​ഫി​ക്ക​റ്റും റ​ദ്ദാ​ക്കി.ഡി​ഗ്രി സ​ര്‍​ട്ടി​ഫി​ക്ക​റ്റ് വ്യാ​ജ​മാ​ണെ​ന്ന് ക​ലിം​ഗ സ​ര്‍​വ​ക​ലാ​ശാ​ല ന​ല്‍​കി​യ ക​ത്തി​ന്‍റെ അ​ടി​സ്ഥാ​ന​ത്തി​ലാ​ണ് ന​ട​പ​ടി.

സം​ഭ​വ​ത്തി​ല്‍ ക​ര്‍​ശ​ന ന​ട​പ​ടി വേ​ണ​മെ​ന്ന് കേ​ര​ള സ​ര്‍​വ​ക​ലാ​ശാ​ല ര​ജി​സ്ട്രാ​റോ​ട് ക​ലിം​ഗ സ​ര്‍​വ​ക​ലാ​ശാ​ല ആ​വ​ശ്യ​പ്പെ​ട്ടിരുന്നു.ക​ലിം​ഗ​യി​ല്‍ ബി​കോം കോ​ഴ്സ് പൂ​ര്‍​ത്തി​യാ​ക്കി​യെ​ന്ന നി​ഖി​ലി​ന്‍റെ വാ​ദം വ്യാ​ജ​മാ​ണെ​ന്ന് ക​ലിം​ഗ സ​ര്‍​വ​ക​ലാ​ശാ​ല ര​ജി​സ്ട്രാ​ര്‍ സ​ന്ദീ​പ് ഗാ​ന്ധി തി​ങ്ക​ളാ​ഴ്ച വ്യ​ക്ത​മാ​ക്കി​യി​രു​ന്നു. എം​എ​സ്എം കോ​ള​ജി​ലെ ര​ണ്ടാം വ​ര്‍​ഷ എം​കോം വി​ദ്യാ​ര്‍​ഥി​യായിരുന്നു നി​ഖി​ല്‍. 2018 – 2020 കാ​ല​ഘ​ട്ട​ത്തി​ല്‍ ഇ​യാ​ള്‍ ഇ​തേ കോ​ള​ജി​ല്‍ ബി​കോം ചെ​യ്തെ​ങ്കി​ലും പാ​സാ​യി​ല്ല. പി​ന്നീ​ട് പ്ര​വേ​ശ​ന​ത്തി​നാ​യി 2019 – 2021 കാ​ല​ത്തെ ക​ലിം​ഗ സ​ര്‍​വ​ക​ലാ​ശാ​ല​യി​ലെ ഡി​ഗ്രി സ​ര്‍​ട്ടി​ഫി​ക്ക​റ്റ് സ​മ​ര്‍​പ്പി​ക്കു​ക​യാ​യി​രു​ന്നു.

ബി​കോം പ​ഠ​ന​കാ​ല​ത്ത് 2019 ല്‍ ​എം​എ​സ്എം കോ​ള​ജി​ല്‍ യു​യു​സി​യും 2020ല്‍ ​സ​ര്‍​വ​ക​ലാ​ശാ​ല യൂ​ണി​യ​ന്‍ ജോ​യി​ന്‍റ് സെ​ക്ര​ട്ട​റി​യു​മാ​യി​രു​ന്നു നി​ഖി​ല്‍. കേ​സെ​ടു​ത്ത​തി​ന് പി​ന്നാ​ലെ നി​ഖി​ല്‍ തോ​മ​സ് ഒ​ളി​വിൽപോയി. നി​ഖി​ലി​നെ ക​ണ്ടെ​ത്താ​ന്‍ കാ​യം​കു​ളം സി​ഐ​യു​ടെ നേ​തൃ​ത്വ​ത്തി​ലു​ള്ള സം​ഘം തെ​ര​ച്ചി​ല്‍ ന​ട​ത്തു​ക​യാ​ണ്. നി​ഖി​ലി​ന്‍റെ ഫോ​ണ്‍ സ്വി​ച്ച് ഓ​ഫ് ചെ​യ്ത നി​ല​യി​ലാ​ണ്. തി​ങ്ക​ളാ​ഴ്ച തി​രു​വ​ന​ന്ത​പു​ര​ത്താ​ണ് ഫോ​ണി​ന്‍റെ ലൊ​ക്കേ​ഷ​ന്‍ അ​വ​സാ​നം ക​ണ്ടെ​ത്തി​യ​ത്.