ശിവകാശിയിൽ പടക്ക നിർമാണശാലകളിലുണ്ടായ സ്ഫോടനത്തിൽ മരിച്ചവരുടെ എണ്ണം 13 ആയി

ചെന്നൈ: ശിവകാശിയിൽ പടക്ക നിർമാണശാലകളിലുണ്ടായ സ്ഫോടനത്തിൽ മരിച്ചവരുടെ എണ്ണം 13 ആയി ഉയർന്നു. ജീവനക്കാർ പടക്കം പൊട്ടിച്ച് പരിശോധിക്കുന്നതിനിടെയാണ് സ്ഫോടനമുണ്ടായതെന്ന് അന്വേഷണത്തിൽ തെളിഞ്ഞതായി റിപ്പോർട്ട് വന്നിട്ടുണ്ട്. ചൊവ്വാഴ്ച വൈകിട്ടാണ് തമിഴ്നാട്ടിലെ വിരുദുന​ഗർ ജില്ലയിലുള്ള കിച്ചനായകംപട്ടി, രംഗപാളയം എന്നീ സ്ഥലങ്ങളിലെ രണ്ടു പടക്ക നിർമാണശാലകളിൽ സ്ഫോടനമുണ്ടായത്. രംഗപാളയത്ത് 12പേരും കിച്ചനായകംപട്ടിയിൽ ഒരാളുമാണ് മരിച്ചത്.

മരിച്ചവരിൽ ഏഴ് പേരും സ്ത്രീകളാണ്. പരിക്കേറ്റവരിൽ മൂന്നു പേരുടെ നില ​ഗുരുതരാവസ്ഥയിലാണ്. ദീപാവലി വിൽപനയ്ക്കായി ഒട്ടേറെ പടക്ക ഉത്പന്നങ്ങളുടെ സ്റ്റോക്ക് ഗോഡൗണിലുണ്ടായിരുന്നുവെന്ന് അധികൃതർ വ്യക്തമാക്കി.സമീപത്തെ കടകളിലേക്കും തീ പടർന്നത് രക്ഷാപ്രവർത്തനത്തെ ബാധിച്ചു. അഗ്നിശമന സേനയുടെ നേതൃത്വത്തിൽ ഗോഡൗണിലെ തീയണയ്ക്കുന്നതിനുള്ള ശ്രമങ്ങൾ ഇപ്പോഴും പുരോഗമിക്കുകയാണ്. കഴിഞ്ഞ രണ്ട് ആഴ്ചയ്ക്കിടെ തമിഴ്നാട്ടിൽ അഞ്ച് പടക്ക നിർമാണശാലകളിലാണ് അപകടമുണ്ടായത്.

#WATCH | Tamil Nadu: An explosion took place at a firecracker manufacturing factory near Sivakasi in Virudhunagar district, fire extinguisher reaches the spot: Fire and Rescue department pic.twitter.com/CqE1kCAJ3S— ANI (@ANI) October 17, 2023